भुसावळ (2 मे 2026) : शहरातील श्री संत गाडगेबाबा हिंदी महाविद्यालयात 1 मे हा दिवस महाराष्ट्र दिवस म्हणून साजरा करण्यात आला. सर्वप्रथम महाविद्यालयाचे प्राचार्य डॉ.रमेश जोशी यांच्याहस्ते ध्वजारोहण करण्यात आले.
महाराष्ट्राच्या प्रगतीचा व अभिमानाचा दिवस
यानंतर महाराष्ट्र गीत म्हणून सर्वांनी मानवंदना दिली. प्रसंगी सर्व प्राध्यापकांनी झेंड्याला सलामी देऊन अभिवादन केले. कार्यक्रमात आपले विचार प्रस्तुत करताना डॉ.रमेश जोशी यांनी महाराष्ट्राच्या प्रगतीचा व अभिमानाचा हा दिवस आहे. महाराष्ट्राच्या सांस्कृतिक सामाजिक व आर्थिक प्रगतीचा गौरव म्हणून हा दिवस साजरा करण्यात येत असल्याचे सांगितले. याप्रसंगी डॉ.सुधीर शर्मा, डॉ.विवेक जोशी, प्रा.अनुपम शर्मा, प्रा.हितेश गुप्ता, प्रा.ज्योती ओस्तवाल, बद्री प्रसाद केवट, कोमल भट आदींची उपस्थिती होती.
