लुप्तप्राय मैदांनी खेळांना स्पर्धेमुळे नवी उभारी : डीवायएसपी अनिल बडगुजर

शेखर पटेल यांचा बक्षिसाने गौरव
या स्पर्धेचे प्रथम बक्षीस एकता संघाचे कर्णधार शेखर पटेल यांना डीवायएसपी अनिल बडगुजर यांच्याहस्ते देण्यात आले. द्वितीय बक्षीस शिवशक्ती संघाचे कर्णधार सुनील गावडे यांना जिल्हा परिषदेचे माजी गटनेता प्रभाकर सोनवणे तर तृतीय बक्षीस राजमुद्रा संघाचे कर्णधार राहुल सुतार यांना डॉ.कुंदन फेगडे यांच्याहस्ते देण्यात आले.

यांची होती उपस्थिती
या बक्षीस वितरण समारंभात पोलीस निरीक्षक रंगनाथ धारबळे, स्वामी पाटील, नगरसेवक उमेश फेगडे, योगेश चौधरी, यावल एसटी आगाराचे व्यवस्थापक दिलीप महाजन सह मान्यवरांची उपस्थिती होती. सूत्रसंचालक जावेद शेख तथा स्पर्धेत समालोचक म्हणून कामकाज केले. स्पर्धेच्या यशस्वीतेसाठी सहकार्य करणारे शकील तडवी यांना मान्यवरांच्या हस्ते सन्मानीत करण्यात आले. या मैदानाचे रात्री सुरू असलेल्या सामन्याप्रसंगी ड्रोनव्दारे काढलेल्या भव्य अशा छायाचित्र एसटी आगाराचे व्यवस्थापक दिलीप महाजन यांना भेट देण्यात आले. तसेच पुढारी संघाचे कर्णधार कदीर खान, पोलीस संघाचे कर्णधार सहायक पोलीस निरीक्षक अजयकुमार वाढवे, महसूल संघाचे कर्णधार अमित राऊत यांना स्मृती चषक देऊन सन्मानित करण्यात आले

स्पर्धेतील लक्षवेधी खेळाडू
या स्पर्धेतील मालिकावीर म्हणून शिवशक्ती संघाचा प्रणव जोशी ठरला तर उत्कृष्ट फलंदाज एकता संघाचा बंटी धनगर ठरला. उत्कृष्ट गोलंदाज एकता संघाचा अय्युब तडवी ठरला तसेच उत्कृष्ट क्षेत्ररक्षक महसूल संघाचा सागर तायडे ठरला. मॅन ऑफ द मॅच मध्ये राहुल सोनवणे, महेंद्र माळी, सागर कोळी, कल्पेश गावडे, बंटी धनगर, बंटी पाटील, पवन अडकमोल, प्रणव जोशी हे खेळाडू ठरले होते तर उत्कृष्ट कर्णधार म्हणुन वेदांत सराफ यांना गौरवण्यात आले.

नगरपालिकेचे हक्काचे मैदान होणार
सध्या खेळाडू हे बस स्थानकाच्या मैदानावर नाममात्र फी भरून खेळत आहे. मात्र, लवकरच नगर परिषदेच्या क्रीडा संकुलाचे काम सुरू होईल मैदानाच्या जागेचे मोजमाप करून जागा ताब्यात घेतली जाईल तेथे क्रिकेटसह हॉलीबॉल, बॅडमिंटन आदी खेळांसाठीच्या सुविधा उपलब्ध केल्या जातील. या क्रिडा संकुला करीता नगर परिषदेकडून चार कोटी रुपयांची भरीव तरतूद केल्याची माहिती या प्रसंगी नगराध्यक्ष यांच्यावतीने देण्यात आली.े