भुसावळातील श्री शिवाजी शिक्षण प्रसारक मंडळाचे अध्यक्ष डॉ.मकरंद नारखेडे यांचा लोणावळ्यात ‘फेलो ऑफ द कलर सोसायटी अ‍ॅवॉर्ड’ने गौरव

भुसावळ (24 मे 2026) : भुसावळ शहरातील नामांकीत श्री शिवाजी शिक्षण प्रसारक मंडळ या संस्थेचे अध्यक्ष व के.नारखेडे कॉम्प्युटर टेक्नोलॉजी संस्थेचे अध्यक्ष व रंग तंत्रज्ञान क्षेत्रातील किमयागार डॉ.मकरंद नारखेडे यांचा दि कलर सोसायटी मुंबईतर्फे ‘फेलो ऑफ द कलर सोसायटी अ‍ॅवॉर्ड’ने गौरव करण्यात आला. रंग तंत्रज्ञान क्षेत्रातील योगदानाची दखल घेत हा पुरस्कार नारखेडे यांना लोणावळा येथील कार्यक्रमात प्रदान करण्यात आला.

यांची होती उपस्थिती
गुरुवार, 21 मे 2026 रोजी लोणावळा येथे झालेल्या कार्यक्रमात एशियन पेंट कंपनीचे सीनियर व्हाईस प्रेसिडेंट राजीव गोयल, डॉ.प्रकाश महानवर, ऑनररी जॉ.सेक्रेटरी राजीव दोंडुगडे, डॉ.प्रशांत सामंत, संदीप बिंद्रा, अर्चना नारखेडे, भाग्येश नारखेडे तसेच प्रथितयश उद्योगपतींची या कार्यक्रमास उपस्थिती होती.