हे सात दिवस संपले, पण भागवत मनात कायम राहील : भुसावळात भागवत सप्ताहात रमेशानंद महाराज

“These seven days have come to an end, but the Bhagavat will remain forever in our hearts”: Rameshānand Maharaj at the Bhagavat Week in Bhusawal. भुसावळ (25 मे 2026) : गेल्या सात दिवसांपासून भक्ती, ज्ञान आणि अध्यात्माच्या सागरात भाविकांना चिंब भिजविणार्‍या श्रीमद् भागवत कथा सप्ताहाचा अत्यंत भावनिक वातावरणात समारोप झाला. सप्ताहाच्या अखेरच्या दिवशी अनेक भाविकांच्या डोळ्यांत अश्रू तर ओठांवर हरिनाम होते. टाळ-मृदंगाच्या गजरात आणि जय श्रीकृष्णच्या घोषणांनी संपूर्ण परिसर भक्तिमय झाला होता.

मनाने मुक्त होणे हीच खरी मुक्ती
कथा वाचक रमेशानंद महाराज यांनी निरूपण करताना उपस्थित भाविकांच्या मनाला स्पर्श करणारे विचार मांडले. ते म्हणाले, मनाने मुक्त होणे हीच खरी मुक्ती आहे. आत्मा कधीच बांधला जात नाही, मात्र मन विषय, वासना, मोह, प्रलोभन आणि विकारांमध्ये अडकते. ज्या क्षणी मन या सर्वांपासून मुक्त होते, त्याक्षणी माणूस खर्‍या अर्थाने परमेश्वराच्या जवळ पोहोचतो. परीक्षित राजाच्या जीवनाचा दाखला देताना त्यांनी सांगितले की, मृत्यू समोर उभा असतानाही परीक्षित घाबरला नाही, कारण त्याने मन जिंकले होते. ज्याने मन जिंकले त्याने जग जिंकले. त्यांच्या या शब्दांनी अनेक भाविक भावूक झाले.