भुसावळ शहर पोलिसांची मोठी कारवाई : गावठी कट्ट्यासह दोन संशयीत जाळ्यात

Major crackdown by Bhusawal City Police: Two suspects nabbed with a country-made pistol. भुसावळ (5 जून 2026) : भुसावळ शहर पोलीस ठाणे हद्दीत दहशतीच्या उद्देशाने दोघे गावठी कट्टा बाळगून असल्याची माहिती भुसावळ शहर निरीक्षक उद्धव डमाळे यांना मिळाल्यानंतर त्यांच्या निर्देशानंतर पथकाने धडक कारवाई करीत दोघांच्या मुसक्या बांधल्या. आरोपींकडून गावठी बनावटीचा कट्टा, दोन जिवंत काडतुसे आणि धारदार चाकू असा मुद्देमाल जप्त करण्यात आला.

गोपनीय माहितीवरून कारवाई
पोलिसांनी दिलेल्या माहितीनुसार, भुसावळ शहर पोलीस स्टेशनचे पोलीस निरीक्षक उद्धव झमाळे यांना गुप्त माहिती मिळाली होती की, जळगाव रोड परिसरात गावठी कट्टा विक्रीसाठी आणण्यात आला आहे. त्यानुसार गुन्हे शोध पथकाचे सहाय्यक पोलीस निरीक्षक राहुल भंडारे यांच्या मार्गदर्शनाखाली पथकाने सापळा रचला. शुक्रवार, 5 जून 2026 रोजी रात्री 12.20 वाजता हिरो होंडा शोरूममागे एका दुचाकीवर असलेल्या दोघांना ताब्यात घेण्यात आले. चौकशीत त्यांची नावे विशाल दादा सुरवाडे (30, रा.भुसावळ) व शुभम बबन वैद्य (35, दोन्ही रा.भुसावळ) सांगितली.