धक्कादायक ! : कॉकरोच जनता पार्टीचे संस्थापक अभिजीत दिपकेंना मारहाण

जयपूर (15 जून 2026) : कॉकरोच जनता पार्टीचे (सीजेपी) संस्थापक अभिजीत दीपके यांना दोन तरुणांनी कानशिलात लगावल्याचा धक्कादायक प्रकार जयपूरातील आंदोलनावेळी घडला. यावेळी पक्षाच्या समर्थकांनी त्या दोघांना पकडून मारहाण केली.सोमवारी, अभिजीत नीट पेपरफुटी, शिक्षण व्यवस्था, बेरोजगारी आणि तरुणांशी संबंधित इतर समस्यांविरुद्धच्या आंदोलनात सहभागी होण्यासाठी आले होते. अभिजीत यांच्या नेतृत्वाखाली शेकडो आंदोलक शहीद स्मारकावर शिक्षणमंत्री धर्मेंद्र प्रधान यांच्या राजीनाम्याची मागणी करत होते.

समर्थकांमध्ये संघर्ष, अनेक फोन चोरीला गेले
आंदोलनादरम्यान, घोषणाबाजीवरून काही तरुणांमध्ये वाद झाला. पोलिसांनी एका तरुणाला ताब्यात घेतले. आंदोलनस्थळी अनेक आंदोलकांचे मोबाईल फोनही चोरीला गेले. व्यासपीठावरून आपले मोबाईल फोन आणि सामान सुरक्षित ठेवण्याचे आवाहन करण्यात आले.