धुळे जिल्हा पोलिस दलातील 12 उपनिरीक्षकांच्या बदल्या

या पोलीस उपनिरीक्षकांच्या झाल्या बदल्या
शिरपूर शहरचे सुरेश भीमराव सोनवणे यांची सोनगीरला तर आझादनगरचे समाधान अशोक सुरवाडे यांची धुळे तालुका ठाण्यात नियुक्ती करण्यात आली. पिंपळनेरचे भूषण गोकुळ शेवाळे यांची निजामपूर ठाण्यात तर साक्रीचे प्रसाद दिलीप रौंदळ यांची पिंपळनेर ठाण्यात नियुक्ती करण्यात आली. शिरपूर शहरचे हेमंत केशवराव खैरनार यांची शिरपूर तालुका येथे तर शहर वाहतूक शाखेचे सुनील दत्तात्रय इमलवार यांची धुळे शहर येथे नियुक्ती करण्यात आली. आर्थिक गुन्हे शाखेचे अमोल देविदास देवरे यांची मोहाडीनगर येथे तर आर्थिक गुन्हे शाखेचे सविता श्रवण गवांदे यांची आझादनगर ठाण्यात नियुक्ती करण्यात आली. धुळे शहर वाचक निकिता हरिश्चंद्र पाटील यांची नियंक्षण कक्षात बदली करण्यात आली तर नव्याने जिल्ह्यात हजर झालेल्या नियंत्रण कक्षातील माया नारायणसिंग राजपूत यांना शिंदखेडा, जितेंद्र सुरेश महाजन यांना शिरपूर शहर तर भूषण उखा पाटील यांना साक्री ठाण्यात नियुक्ती देण्यात आली.

कायदा-सुव्यवस्था राखण्यास होणार मदत
सर्व संबंधित अधिकार्‍यांनी आपल्या नवीन नियुक्तीच्या ठिकाणी तत्काळ रुजू होऊन अनुपालन अहवाल सादर करण्याचे निर्देश देण्यात आले असून बदल्यांमुळे जिल्ह्यातील कायदा व सुव्यवस्था अधिक प्रभावी राहण्यास मदत होणार असल्याचे पोलिस प्रशासनाने सांगितले.