नवापूर पोलिसांची कारवाई : सुरतहून आंध्रप्रदेशात जाणारा पाच लाख 20 हजारांचा गुटखा जप्त

Navapur Police Action: Gutkha worth ₹5.20 lakh seized while being transported from Surat to Andhra Pradesh नवापूर (28 जून 2026) : सुरतहून पार्सलच्या मालाआड गुटख्याची कंटेनरद्वारे आंध्रप्रदेशकडे वाहतूक होणार असल्याची माहिती नवापूरचे निरीक्षक अभिषेक पाटील यांना मिळाल्यानंतर त्यांनी पथकासह कारवाई करीत पाच लाख 20 हजारांचा गुटखा व 30 लाखांचा कंटेनर जप्त केला. या कारवाईने गुटखा तस्करांच्या गोटात प्रचंड खळबळ उडाली आहे. राजस्थान राज्यातील कंटेनर चालकाला अटक करण्यात आली आहे.

गोपनीय माहितीवरून कारवाई
शुक्रवार, 26 जून 2026 रोजी नवापूर पोलीस ठाण्याचे पोलीस निरीक्षक अभिषेक पाटील यांना सुरत (गुजरात) येथून विजयवाडा (आंध्रप्रदेश) येथे जाणार्‍या एका कंटेनरमधून विविध साहित्याच्या पार्सलसोबत महाराष्ट्रात प्रतिबंधित असलेल्या गुटखा व सुगंधी तंबाखूची अवैध वाहतूक होणार असल्याची माहिती मिळाली होती. या अनुषंगाने नवापूर येथील कुणाल हॉटेलजवळ राष्ट्रीय महामार्गावर विशेष नाकाबंदी करण्यात आली. रात्री सुमारे 2 वाजता कंटेनर (आर.के.19 जी.के.1963) आल्यानंतर तपासणी केली असता त्यात विविध साहित्याच्या पार्सलखाली लपवून ठेवलेले 500 नग मेजबान जाफरानी जर्दा तंबाखूची मोठी पाकिटे (किंमत 2 लाख 20 हजार) तसेच सुमारे 300 किलो बिनलेबलचा सुगंधी तंबाखू (किंमत 3 लाख) असा एकूण पाच लाख 20 हजारांचा प्रतिबंधित माल आढळून आला तसेच 30 लाख किमतीचा कंटेनर जप्त करण्यात आला.