भुसावळात दोन महिन्यांत दुसर्‍यांदा बिअर शॉपी फोडली

Beer shop broken into for the second time in two months in Bhusawal भुसावळ (2 जुलै 2026) : दोन महिन्यात दुसर्‍यांदा यावल रोडवरील बिअर शॉपी फोडून चोरट्यांनी शहर पोलिसांच्या गस्तीला आव्हान दिले. विशेष म्हणजे यावेळी चोरी करताना चोरट्यांनी फ्रिजमधील थंडगार बियरही रिचवल्या. या प्रकरणी शहर पोलिसात चोरट्यांविरोधात गुन्हा दाखल करण्यात आला.

असे आहे चोरी प्रकरण
भुसावळातील यावल रोडवर बलवंतसिंग बहादुरसिंग पटेल (55, अकलूद, ता.यावल) यांचे पटेल बिअर शॉपी नामक दुकान आहे. यापूर्वी 7 मे 2026 रोजी याच दुकानातून चोरट्यांनी 10 हजार रुपये लांबवले व गुन्हादेखील दाखल झाला. पोलिसांकडे चोरीचे फुटेज असूनही गुन्ह्याची उकल होवू शकली नसताना चोरट्यांनी दुसर्‍यांदा या दुकानात 30 जूनच्या रात्री 10 ते 1 जुलैच्या सकाळी नऊवाजेदरम्यान चोरी केली.