चोपड्यात स्थानिक गुन्हे शाखेची धडक कारवाई ; गावठी कट्टा, मॅगझिनसह आंतरजिल्हा टोळी जाळ्यात

Local Crime Branch conducts bold raid in Chopda; inter-district gang nabbed with a country-made pistol and magazine चोपडा (2 जुलै 2026) : जळगाव स्थानिक गुन्हे शाखा (एलसीबी) आणि चोपडा शहर पोलिसांनी संयुक्त कारवाई करत अवैध शस्त्रांची वाहतूक करणार्‍या आंतरजिल्हा टोळीचा पर्दाफाश केला. या कारवाईत तीन आरोपींना अटक करण्यात आली असून त्यांच्याकडून गावठी कट्टा (पिस्तूल), दोन मॅगझिन, तीन मोबाईल फोन आणि एक कार असा एकूण सहा लाखांचा मुद्देमाल जप्त करण्यात आला.

गोपनीय माहितीवरून कारवाई
जळगाव स्थानिक गुन्हे शाखेला गुप्त माहिती मिळाल्यानंतर पोलिसांनी चोपडा-लासूर-चुंचाळे मार्गावरील शनिमंदिर परिसरात सापळा रचला. संशयित हुंडाई एव्हॉन कारची तपासणी केली असता मागील सीटखाली गावठी कट्टा, मॅगझिन तसेच अतिरिक्त मॅगझिन आढळून आले. आरोपींकडून तीन मोबाईल फोनही जप्त करण्यात आले. अटकेतील आरोपींमध्ये ज्ञानेश्वर रामकृष्ण माळी (39, कुर्‍हाडखुर्द, ता.पाचोरा, जि.जळगाव), सचिन रोशन पवार (34, मयूर पार्क कॉलनी, गंगापूर, जि. छत्रपती संभाजीनगर) आणि अनिल कचरू साबुंखे (37, जाधव गल्ली, गंगापूर, जि.छत्रपती संभाजीनगर) यांचा समावेश आहे.