जळगावातील मोटारसायकल चोरटा ‘शाहरुख खान’ पोलिसांच्या जाळ्यात

Jalgaon motorcycle thief ‘Shah Rukh Khan’ caught in police net जळगाव (3 जुलै 2026) : जळगाव एमआयडीसी पोलिसांनी मोटारसायकल चोरीच्या गुन्ह्याचा अवघ्या काही दिवसांत छडा लावत सराईत चोरट्याला अटक केली आहे. आरोपीकडून चोरीस गेलेली स्प्लेंडर प्रो कंपनीची ग्रे रंगाची व 25 हजार रुपये किंमतीची मोटारसायकल जप्त करण्यात आली.

चोरी प्रकरणी दाखल होता गुन्हा
गॅरेज व्यावसायीक दस्तगीर अल्लाउद्दीन पिंजारी (43, प्लॉट क्र. 42, गट क्र. 194, सुप्रीम कॉलनी, जळगाव) यांनी एमआयडीसी पोलीस ठाण्यात फिर्याद दाखल केली होती. फिर्यादीनुसार, 29 जूनच्या रात्री 11 ते 30 जूनच्या पहाटे 5 वाजेदरम्यान अज्ञात चोरट्याने त्यांच्या घरासमोर उभी असलेली स्प्लेंडर प्रो मोटारसायकल (एम.एच,19 बी.सी.5162) तसेच त्यांच्या साथीदार रिजवान अजहर खान यांच्या इंद्रप्रस्थ नगर येथील भंगार दुकानाचे शटर उचकटून त्यातील 6,300 रुपये रोख, सुमारे 10 किलो पितळेचे तुकडे व पिनांचे बटन असा ऐवज चोरून नेला होता. याप्रकरणी एमआयडीसी पोलिसात गुन्हा दाखल करण्यात आला.