चाळीसगावातील कुख्यात गुन्हेगार नागपूरात स्थानबद्ध

यापूर्वीही करण्यात आल्या होत्या प्रतिबंधात्मक कारवाया
संबंधित गुन्हेगाराविरुद्ध यापूर्वी विविध प्रतिबंधात्मक कारवाया करण्यात आल्या होत्या. त्यात सीआरपीसीच्या कलम 110 व 107 अंतर्गत कारवाई, जळगाव व नाशिक जिल्ह्यातून दोन वर्षांसाठी हद्दपारी तसेच यापूर्वीचा एमपीडीए प्रस्ताव यांचा समावेश आहे मात्र, या कारवायांनंतरही त्याच्या वर्तनात सुधारणा झाली नसल्याने पुन्हा गुन्हेगारी कारवायांकडे वळल्याचे पोलिसांनी म्हटले आहे.

26 ऑगस्टला जिल्हाधिकार्‍यांचा आदेश
चाळीसगाव शहर पोलीस ठाण्याचे पोलीस निरीक्षक अमित मनेळ यांनी संबंधित व्यक्तीविरुद्ध एमपीडीएअंतर्गत प्रस्ताव तयार करून तो 22 जून 2026 रोजी सादर केला होता. प्रस्तावाचे अवलोकन करून तो पुढील कार्यवाहीसाठी जिल्हाधिकार्‍यांकडे पाठविण्यात आला. त्यानंतर जिल्हाधिकारी रोहन घुगे यांनी बुधवार, 26 ऑगस्ट 2026 रोजी स्थानबद्धतेचा आदेश जारी केला. आदेशानुसार संबंधितास नागपूर येथील मध्यवर्ती कारागृहात स्थानबद्ध करण्यात आले.

पोलिसांचे पथक कार्यरत
या कारवाईत चाळीसगाव शहर पोलीस ठाण्याचे पोलीस निरीक्षक अमित मनेळ, पोलीस उपनिरीक्षक सुभाष पाटील, सहाय्यक पोलीस निरीक्षक कैलास पाटील, पोहेकॉ भूषण वंजारी आणि पोका विनोद पाटील यांनी संबंधितास 27 ऑगस्ट रोजी ताब्यात घेतले. त्याला नागपूरच्या मध्यवर्ती कारागृहात दाखल करण्याची प्रक्रिया करण्यात आली.

ही कारवाई पोलीस अधीक्षक श्रीकांत धिवरे, अपर पोलीस अधीक्षक अशोक नखाते, उपविभागीय पोलीस अधिकारी विजयकुमार ठाकूरवाड यांच्या मार्गदर्शनाखाली करण्यात आली.