शिरपूर-चोपडा रस्त्यावर भीषण अपघातात चौघे ठार

शिरपूर (बुधवार, 15 सप्टेंबर 2026) : मध्यप्रदेशातील मजूर एकाच दुचाकीवरून महाराष्ट्रात कामासाठी येत असताना भरधाव ट्रॉलाने दुचाकीला जबर धडक दिल्याने दोघांचा जागीच तर अन्य दोघांचा उपचारादरम्यान मृत्यू झाला. हा भीषण अपघात शिरपूर-चोपडा रस्त्यावर सावेर फाट्याजवळ मंगळवार, 13 सप्टेंबर रोजी सायंकाळी 6.30 वाजेच्या सुमारास घडला.

चौघांचा अपघातात मृत्यू
सुरेश भिलाला (26, रा.बाल्या, ता.बडवाह, जि.खरगोन), लुमरिया अहिरवाल (भिलाला, 25, रा.बुद्रा, ता.राजपूर, जि.बडवाणी) यांचा जागीच मृत्यू झाला तर इसराम अहिरवाल (40, रा.बुद्रा) व महेश कनासे (30, रा.बाल्या, ता.बडवाह, जि.खरगोन) यांचा धुळे येथे जिल्हा रुग्णालयात उपचारादरम्यान मृत्यू झाला.