भुसावळात उपस्टेशन प्रबंधक कार्यालयात सिलिंग कोसळले

ईमारतींचे ऑडीट होण्याची अपेक्षा
या घटनेची गांभीर्याने दखल घेत भुसावळ मंडळातील वरिष्ठ रेल्वे अधिकार्‍यांनी तातडीने घटनास्थळी पाहणी करून संपूर्ण इमारतीची तांत्रिक तपासणी करावी, अशी मागणी जोर धरत आहे. विशेषतः सिलिंगची मजबुती, पावसाळ्यातील गळती आणि इमारतीच्या एकूण संरचनेचा आढावा घेणे अत्यावश्यक असल्याचे मत व्यक्त होत आहे. यापूर्वी करण्यात आलेल्या नूतनीकरणाच्या कामाची सखोल चौकशी करून त्यात काही त्रुटी किंवा अनियमितता आढळल्यास संबंधितांवर जबाबदारी निश्चित करून कठोर कारवाई करावी, अशीही मागणी होत आहे. भविष्यात अशा घटना टाळण्यासाठी रेल्वे प्रशासनाने तातडीने उपाययोजना करणे आवश्यक असल्याचे प्रवासी व कर्मचार्‍यांकडून सांगितले जात आहे. सुदैवाने या घटनेत जीवितहानी झाली नसली तरी, रेल्वेसारख्या संवेदनशील आणि गर्दीच्या ठिकाणी अशा प्रकारच्या घटना होणे चिंताजनक आहे.

तांत्रिक पथकाकडून पाहणी
भुसावळ रेल्वे स्थानकावरील उप स्टेशन प्रबंधक कार्यालयातील सिलिंगचा काही भाग कोसळल्याची घटना गांभीर्याने घेतली आहे. सुदैवाने कोणतीही जीवितहानी झालेली नाही. संबंधित परिसर तत्काळ सुरक्षित करून तांत्रिक पथकाकडून संपूर्ण इमारतीची तपासणी सुरू करण्यात आली आहे. प्राथमिक तपासात पावसाळ्यातील गळतीसह इतर तांत्रिक कारणांचा अभ्यास केला जात आहे. आवश्यक त्या दुरुस्ती तातडीने करण्यात येतील. प्रवासी व कर्मचारी सुरक्षेला सर्वोच्च प्राधान्य असून भविष्यात अशा घटना टाळण्यासाठी सर्व आवश्यक उपाययोजना करण्यात येतील, असे जनसंपर्क अधिकारी बी.बी.तपस्वी म्हणाले.