नंदुरबार स्थानिक गुन्हे शाखेची कारवाई ; शेतकर्‍यांचे पशूधन चोरणारे दोघे जाळ्यात, सात गुन्ह्यांची उकल

नंदुरबार (मंगळवार, 20 ऑक्टोबर 2026) : शेतकर्‍यांचे पशुधन चोरून त्याची विक्री करणार्‍या टोळीचा नंदुरबार स्थानिक गुन्हे शाखेने पर्दाफाश केला. या कारवाईत दोन आरोपींना अटक करण्यात आली. या कारवाईने शहादा, सारंगखेडा आणि तळोदा पोलीस ठाण्यांच्या हद्दीतील पशुधन चोरीचे सात गुन्हे उघडकीस आले. ताब्यात घेतलेल्या आरोपींची नावे महेबूब युसुफ कुरेशी (25) व हाशीम पिरबक्ष मक्राणी (31, मक्राणी फळी, अक्कलकुवा) अशी अटकेतील आरोपींची नावे आहेत.

गोपनीय माहितीवरून कारवाई
स्थानिक गुन्हे शाखेचे वरिष्ठ पोलीस निरीक्षक अभिषेक पाटील यांना पशूधन चोरणार्‍या चोरट्यांबाबत माहिती मिळाल्यानंतर त्यांनी पथकाला कारवाईचे निर्देश दिले. 20 रोजी संशयीत पिकअप (एम.एच.48 ए.जी.8657) ने नंदुरबार शहरातील नवापूर चौफुली परिसरात संशयित वाहनांचा माग काढत पोलिसांनी दोन आरोपींना ताब्यात घेतले तर वाहनाच्या तपासणीत दुचाकी (एम.एच.39 ए.टी.3673) आढळल्याने आरोपींनी वाहनाद्वारे गुरे चोरीपूर्वी रेकी करण्यासाठी तिचा वापर केला जात असल्याची कबुली देत चोरी केलेल्या पशूधनाची विक्री करीत त्यातील पैशांचे आपसात वाटप करून घेतल्याचे सांगितले.