भुसावळात अखेरच्या क्षणी भरड धान्य खरेदी

342 शेतकर्‍यांनी केली नोंदणी
भुसावळ तालुक्यात आतापर्यंत तब्बल 342 शेतकर्‍यांनी हमी भावाने धान्य खरेदीसाठी नोंदणी केली असून आठ हजार क्विंटल ज्वारीची खरेदी होईल, असे संकेत असताना अवघ्या नऊ दिवसांत ही खरेदी होणार कशी? असाही प्रश्न आहे. खरेदी केंद्रात ज्वारीला दोन 620 रुपये हमीभाव असून केवळ एफएक्यु दर्जाची ज्वारी खरेदी होणार आहे. यामुळे नोंदणी केलेल्या शेतकर्‍यांनी या दर्जाचा माल असेल तरच आणावा, असे आवाहन करण्यात आले आहे.

यांची होती उपस्थिती
भरड धान्य केंद्राच्या शुभारंभप्रसंगी शेतकी संघ संचालक गजानन सरोदे, व्यवस्थापक विजय झोपे, ग्रेडर संजय बोंडे, कृषी उत्पन्न बाजार समितीचे उपसभापती अशोक पाटील, नायब तहसीलदार शशिकांत इंगळे, पुरवठा अधिकारी नागरगोजे, गोदाम व्यवस्थापक राजेंद्र वाढे, हमाल प्रतिनिधी दीपक बाविस्कर, शेतकरी गजानन नेमाडे, सुनील पाटील, प्रकाश पाटील आदी उपस्थित होते.

प्रशासनाशी वारंवार संपर्क : आमदार
मका खरेदीसाठी मुदतवाढ शासनाकडून मिळेल, अशी आशा आहे. भुसावळात भरडधान्य खरेदीला निश्‍चितच उशिराने सुरुवात झाली मात्र या संदर्भात स्थानिक तहसीलदार व जिल्हाधिकार्‍यांशी अनेकदा संपर्क साधला मात्र केवळ गोदाम उपलब्ध नसल्याची त्यांनी हतबलता दर्शवली. ज्या शेतकर्‍यांनी ज्वारीसाठी नोंदणी केली आहे निश्‍चित त्यांच्याकडील धान्याची मोजणी होईल, असे आमदार संजय सावकारे म्हणाले.