विद्यार्थ्यांसाठी नवनवीन संकल्पना राबवणार : आमदार संजय सावकारे

नाहाटात माजी विद्यार्थी मेळावा उत्साहात : माजी विद्यार्थ्यांची सहकार्याची ग्वाही

भुसावळ : माजी विद्यार्थ्यांनी सढळ हातांनी आजी विद्यार्थ्यांना मदत करावी व आजी विद्यार्थ्यांकरीता भविष्यात आपण नवनवीन संकल्पना राबवू व आजी विद्यार्थ्यांच्या सर्वांगीण विकासासाठी सतत प्रयत्नशील राहू. अशी ग्वाही आमदार संजय सावकारे यांनी येथे दिली. भुसावळ कला, विज्ञान, आणि पु. ओं. नाहाटा वाणिज्य महाविद्यालयात माजी विद्यार्थी संघटनेतर्फे माजी विद्यार्थी मेळावा रविवार, 25 रोजी सकाळी 10 वाजता महाविद्यालयात झाला. याप्रसंगी ते बोलत होते. महाविद्यालयाच्या संस्काराच्या शिदोरीतून आम्ही इथवर मजल मारली असून महाविद्यालयाला जी मदत आवश्यक असेल ती आम्ही केव्हाही देण्यासाठी तत्पर असल्याची ग्वाही माजी विद्यार्थ्यांनी आपल्या मनोगतात व्यक्त केली.

यांची व्यासपीठावर उपस्थिती
मेळाव्याच्या अध्यक्षस्थानी ताप्ती एज्युकेशन सोसायटीचे अध्यक्ष डॉ.मोहन फालक हे तर उद्घाटक म्हणून भुसावळचे आमदार संजय सावकारे होते. प्रमुख उपस्थिती ताप्ती एज्युकेशन सोसायटीचे चेअरमन महेश फालक, ताप्ती एज्युकेशन सोसायटीचे सेक्रेटरी विष्णू चौधरी, मुंबई येथून आलेले आर.पी.एफ इन्स्पेक्टर संजय गायकवाड साहेब, ताप्ती एज्युकेशन सोसायटीचे संचालक श्यामशेठ दरगड, निळकंठ भारंबे, प्राचार्य डॉ.मीनाक्षी वायकोळे, उपप्राचार्य डॉ.बी.एच.बर्‍हाटे, कनिष्ठ महाविद्यालय उपप्राचार्य प्रा.शैलेश पाटील उपस्थित होते. यावेळी कोवीड सारखा भयंकर आजार असल्याने हा मेळावा ऑनलाईन घेण्यात आला. या मेळाव्यात 115 विविध शहरातील माजी विद्यार्थ्यांनी सहभाग घेतला.