जळगाव-ममुराबाद रस्त्यावर भरधाव ट्रकच्या धडकेत दहा वर्षीय बालक ठार : संतप्त जमावाने ट्रक पेटवला

जमावाने ट्रक चालकाला चोपले
संतप्त जमावाने अपघातास कारणीभूत ट्रक चालक उबेद खान इकबाल खान पठाण (चोपडा) यास जबर चोपून काढले तसेच ट्रक चालकाला तत्काळ घटनास्थळी आणून आपल्या ताब्यात देण्याची मागणी केली. मृत बालकाचा मृतदेह रस्त्यावर ठेवून जमावाकडून या मागणीसाठी आक्रमक भूमिका घेण्यात आली. भूपेंद्र नटवरलाल गुजराथी यांच्या मालकिचा ट्रक (एम.एच.20 ई.जी.3593) असल्याचे सूत्रांनी सांगितले.

पोलिसांचा मोठा बंदोबस्त
घटनेनंतर ममुराबाद रस्त्यावर काही काळ तणावपूर्ण परिस्थिती निर्माण झाली. पोलिसांनी घटनास्थळी मोठा बंदोबस्त तैनात करून परिस्थिती नियंत्रणात आणण्याचे प्रयत्न सुरू केले. संतप्त नागरिकांची समजूत काढत कायदा व सुव्यवस्था अबाधित ठेवण्यासाठी पोलिसांकडून प्रयत्न केले जात आहेत.

कावड यात्रेदरम्यान भाविकांची मोठी गर्दी असताना भरधाव वाहनामुळे हा अपघात झाल्याने सुरक्षिततेचा प्रश्नही ऐरणीवर आला आहे. अपघाताचे नेमके कारण, ट्रकचा वेग आणि चालकाची स्थिती याबाबत पोलीस तपासानंतर अधिकृत माहिती स्पष्ट होणार आहे. मृत बालकाचा मृत सिव्हीलमध्ये हलवण्यात आला असून चालकालाही उपचारार्थ तेथे हलवण्यात आले आहे. दरम्यान, वाढत्या अपघातांच्या पार्श्वभूमीवर 26 रोजी जिल्हाधिकारी, पोलीस अधीक्षक एकत्रीतरित्या वाहतुकीची पाहणी करून उपाययोजना करणार आहेत.