कोरोनाच्या काळात 20 कोटी लोकसंख्या गेली दारीद्य्रात

अर्थतज्ज्ञ भालचंद्र मुनगेकर : नाहाटा महाविद्यालयात ‘डॉ.बाबासाहेब आंबेडकर एक विचारधारा’ या विषयावर राष्ट्रीय वेबिनार

भुसावळ : महामानव डॉ.बाबासाहेब आंबेडकर यांना आर्थिक, राजकीय, सामाजिक समानतेवर आधारलेला समाज तयार करावयाचा होता. स्वातंत्र्य, समता, बंधुता व न्याय हे चार तत्व ते मानत व त्यांना कायद्याचे राज्य, संधीची समानता अभिप्रेत होती. देशातील सर्वच समाजाच्या राहणीमानात बदल झाले. औद्योगिक क्रांती झाली परंतु असे जरी असले तरी आजही भारतात बहुतांश लोक गरीबीत जीवन जगत आहेत. कोरोनाच्या काळात 20 कोटी लोकसंख्या दारीद्य्रात ढकलली गेली. जाती-पातीच्या भिंती उभ्या आहेत. आजही बाबासाहेबांना अभिप्रेत असलेले सरकार भारतात नाही ही खेदाची बाब असल्याचे अर्थतज्ज्ञ भालचंद्र मुनगेकर येथे म्हणाले. भुसावळ कला, विज्ञान आणि पु. ओं. नाहाटा वाणिज्य महाविद्यालयातील मानव्य विद्या शाखेतर्गत ‘डॉ.बाबासाहेब आंबेडकर या विषयावर’ एक दिवसीय राष्ट्रीय वेबिनार झाले. याप्रसंगी ते बोलत होते

यांची व्यासपीठावर उपस्थिती
अध्यक्षस्थानी संस्थेचे चेअरमन महेश फालक तर प्रमुख पाहुणे म्हणून संस्थेचे सचिव विष्णू चौधरी, संस्थेचे संचालक संजय नाहाटा उपस्थित होते. उद्घाटक अर्थतज्ज्ञ भालचंद्र मुनगेकर उपस्थित होते. महाविद्यालयाच्या प्राचार्य डॉ.एम.व्ही.वायकोळे, उपप्राचार्य डॉ.एस.व्ही.पाटील, डॉ.बी.एच.बर्‍हाटे, डॉ.ए.डी.गोस्वामी, डॉ.एन.ई.भंगाळे आदी उपस्थित होते.