रावेरात पार्लर प्रशिक्षण देण्याच्या नावाखाली विद्यार्थिनींची पिळवणूक

वात्सल्य ब्युटी पार्लरचा प्रताप
तालुक्यातील गरीब आर्थिकदृष्ट्या मागास विद्यार्थीनींना स्वत:च्या पायावर उभे राहता यावे म्हणून रावेर पंचायत समिती समाज कल्याण विभागातर्फे विनामूल्य प्रशिक्षण देण्यासाठी रावेरच्या वात्सल्स ब्युटी पार्लर संस्थेची नेमणूक केली होती. यासाठी प्रत्येक विद्यार्थिनीमागे संस्थेला पंचायत समिती तीन हजार 999 रुपये पेड करत होती. एकूण 41 मुलींना प्रशिक्षण दिल्याबद्दल रावेर पंचायत समितीने एक लाख 63 हजार 959 रुपये रावेर पंचायत समितीने वात्सल्य ब्युटी पार्लर संस्थेला दिले आहे.

संस्थेवर व्हावी कारवाई
वात्सल्य ब्युटी पार्लर संस्थेत प्रशिक्षण घेणार्‍या विद्यार्थिनींनी रावेर पंचायत समिती गाठून संस्थेवर कारवाई करण्याची मागणी तक्रारीद्वारे केली आहे. दरम्यान आम्ही खुप दिवसांपासून फिरतोय परंतु आमच्या तक्रारीकडे कुणीही लक्ष देत नसल्याची खंत प्रशिक्षणार्थी विद्यार्थिनींनी व्यक्त केली. वात्सल्य ब्युटी पार्लर संस्थेच्या विरोधात दिलेल्या तक्रारीवर मोहिनी पाटील यांच्यासह सुमारे 41 गरीब विद्यार्थिनींच्या स्वाक्षर्‍या आहेत. दरम्यान, मुलींकडून 410 रुपये नियमानुसार जमा केले आहे. याबाबत सर्व कागदपत्रे माझ्याकडे आहे. ही सर्व रक्कम मी रावेर पंचायत समितीच्या समाज कल्याण विभागात जमा केली असून मुलींनी केलेले आरोप चुकीचे असल्याचे वात्सल्य ब्युटी पार्लरच्या संचालक दुर्गा सोनवणे यांनी सांगितले.