तीन वर्षांपूर्वी पत्नीला पळवल्याच्या वादातून खून : संशयीतांना कोठडी

पत्नीला पळवून नेल्याच्या वाद उफाळला : पतीच्या खुनात पहिल्या पत्नीचादेखील होता सहभाग

रावेर : तीन वर्षांपूर्वी पत्नीला पळवून नेल्यानंतर झालेल्या वादाच्या खुमखुमीनंतर आठ संशयीतांनी एकाचा खून करून मृतदेह जमिनीत गाडला मात्र नातेवाईकांमध्ये वाद उफाळल्याची कुणकुण रावेर पोलिसांपर्यंत आल्यानंतर पोलिसांनी खुनाच्या गुन्ह्याची उकल करीत सात संशयीतांच्या मुसक्या शनिवारी आवळल्या. संशयीतांना रावेर न्यायालयात हजर केले असता त्यांना 25 ऑगस्टपर्यंत पोलीस कोठडी सुनावण्यात आली. संशयीतांनी प्रताप खुमसिंग भील (46) यांचा खून करीत मृतदेह विहिरीत टाकून नंतर जमिनीत पुरला होता. या खुनातील संशयांमध्ये मयताची तीन वर्षांपूर्वी पळून गेलेली पत्नीही सहभागी असल्याने खळबळ उडाली हेाती.

पत्नीला पळवून नेल्याच्या कारणावरून केला खून
मयत प्रताप खुमसिंग भील (46) यांची पत्नी सागरीबाई यांना सुमारे तीन वर्षांपूर्वी लक्ष्मण वेरसिंग भील याने पळवून नेल्याने प्रताप व लक्ष्मण यांच्या टोकाचे वाद झाले होते. या वादाच्या खुमखुमीतून 21 ऑगस्टच्या सुमारे 15 दिवसांपूर्वी सातपुडा पर्वताच्या पायथ्याशी असलेल्या पाडला खुर्द शिवारात नागोरी नदीचे बाजुला असलेल्या मीराबाई गोविंदा चौधरी यांचे शेतात प्रताप भील यांचा गळा आवळून तसेच टोकरांनी डोक्यावर मारहाण करून खून करण्यात आला व मृतदेह विहिरीत टाकण्यात आला होता व नंतर अन्य आरोपींनी मृतदेह विहिरीतून काढत जमिनीत दफन केला होता.