मुंबई : ‘बुली बाई’ अॅप्लिकेशनवर (Bulli Bai App) जवळपास 100 प्रसिद्ध मुस्लिम महिलांचे फोटो अपलोड करण्यात आल्यानंतर देशभरात खळबळ उडाली होती. या ‘बुली बाई’ अॅप प्रकरणी पहिल्या आरोपीला मुंबई पोलिसांनी कारवाई करत विशाल कुमार या आरोपीला बंगळुरुत अटक केली होती तर त्यानंतर उत्तराखंडमधून ‘बुली बाई’ (Bulli Bai) प्रकरणाची मास्टर माईंड असलेल्या एका महिलेला अटक करण्यात आल्याचे आता या प्रकरणात अनेक खुलासे होण्याची शक्यता आहे. अटकेतील महिलाच मास्टरमाईंड असल्याचा पोलिसांना संशय आहे.
ओरीसाच्या महिला प्रवाशाचा पुरी-अहमदाबाद एक्स्प्रेसमध्ये मृत्यू
शीख समुदायाचा केला वापर
विशाल कुमार आणि त्या महिलेची मैत्री सोशल मीडियावर झाली होती. त्यानंतर दोघांनी एकत्र येऊन हा अॅप (App) तयार केला. सोशल मीडियावर अकाऊंट बनवताना त्यांनी शीख समुदायाचा नावाचा वापर केला होता. विशाल कुमारने खालसा सुप्रीमीस्ट नावाने अकाऊंट बनवलं होतं जे 31 डिसेंबरला बदलले आणि खोटे खालसा अकाऊंट बनवून त्याला फॉलो करू लागले. शीख समुदायाचा नावाने अकाऊंट बनवलं होतं जेणेकरून लोकांना वाटावं की हे अकाऊंट शीख लोकांनी बनवलं आहे. ज्या महिलेला मुंबई पोलिसांनी ताब्यात घेतलं आहे ती महिला जे तीन मुख्य अकाऊंट आहेत ते हँडल करत होती. मुंबई पोलिसांच्या सायबर सेलला मिळालेल्या तक्रारीनंतर सायबर सेल या प्रकरणात चौकशी करत होतं. सदर महिलेला मुंबईत घेऊन येण्याची प्रक्रिया सुरू आहे.
अॅप्लीकेशन बंद करण्याचे निर्देश
या प्रकरणाचा तपास करण्यासाठी सायबर सेलनं ट्विटरला लिहिलं होतं. कारण ‘बुली बाई’शी (Bulli Bai App) संबंधित तीन ट्विटर हँडलची माहिती पोलिसांना मिळाली. या अॅप्लिकेशनची तक्रार आल्यानंतरच मुंबई पोलिसांनी ’बुली बाई’ अॅप्लिकेशन तयार करणार्या डोमेन गुगलला पत्र लिहून हे अॅप्लिकेशन बंद करण्याचे निर्देश दिले होते.
निराधारांच्या आयुष्यातील मायेची सावली हरपली ; मुख्यमंत्री उद्धव ठाकरे यांची सिंधुताई सपकाळ यांना श्रद्धांजली
