अमळनेरात ऑनलाईन सट्टा अड्ड्यावर पोलिसांची धाड : चार लाखांचा मुद्देमाल जप्त

अमळनेर : शहरातील झामी चौकात (Zami Chauk) ऑनलाईन सट्टा व जुगार सुरू असल्याची माहिती अमळनेर पोलिसांना (Amalner Police) मिळाल्यानंतर त्यांनी छापा टाकत दोघांच्या मुसक्या बांधल्या तर 18 संशयीतांविरोधात गुन्हा दाखल केला. तब्ब्ल तीन लाख 85 हजार रुपयांचा मुद्देमाल पोलिसांनी जप्त केला आहे. या कारवाईने अवैध धंदे चालकांच्या गोटात खळबळ उडाली आहे.

गोपनीय माहितीवरून कारवाई
अमळनेर (Amalner) शहरातील बोरसे गल्लीत महेंद्र सुदाम महाजन (Mahendra Sudam Mahajan) हा ऑनलाईन मटका व जुगार चालवत असल्याची माहिती अमळनेर पोलिसांना (Amalner Police) मिळाल्यानंतर मंगळवारी सायंकाळी पथकाने धाड टाकून कारवाई केली. लॅपटॉपसह चार मोबाईल, 20 डायर्‍यांसह तीन लाख 85 हजारांचा मुद्देमाल पथकाने जप्त केला. जयंत गणेश पाटील (श्रीकृष्ण मंदिर) व फिरोजखान नसीमखान पठाण (अंदरपुरा, सराफ बाजार) यांना अटक करण्यात आली असून न्यायालयाने त्यांना पाच दिवसांची पोलिस कोठडी सुनावण्यात आली. दरम्यान, महेंद्र महाजन (Mahendra Mahajan) याच या प्रकरणाचा सूत्रधार असल्याचे सूत्रांनी सांगत 18 जणांविरोधात गुन्हा दाखल केला आहे.