पाचोर्‍यात प्रांताधिकारी निवासस्थानाचे आमदार किशोर पाटील यांच्याहस्ते भूमिपूजन

पाचोरा : पाचोरा-भडगाव मतदारसंघाचे आमदार किशोर पाटील यांच्या पाठपुराव्याने प्रांताधिकारी यांच्यासाठी निवासस्थान मंजूर झाले असून या कामाचे भूमिपूजन आमदारांच्या हस्ते करण्यात आले. सुमारे 59 लक्ष रुपये खर्चातून भडगाव रोडवरील शासकीय विश्राम गृहाच्या परीसरात शासकीय निवासस्थान उभारले जात आहे. बुधवारी सकाळी 11 वाजता आमदार किशोर अप्पा पाटील यांच्याहस्ते या कामाचे भूमिपूजन करण्यात आले.

यांची होती उपस्थिती
यावेळी प्रांताधिकारी डॉ.विक्रम बांदल, माजी नगराध्यक्ष संजय गोहिल, बांधकाम विभागाचे अभियंता उपअभियंता शेलार, ज्युनियर अभियंता काजवे यांची उपस्थिती होती. यावेळी खुशाल जोशी यांनी विधीवत पूजा केली.
शासकीय अधिकारी कर्तव्यावर असतांना त्यांना घरी आल्यावर हक्काचे निवासस्थान असावे, अशी अनेक वर्षांपासून मागणी होत होती. त्याची दखल घेत आमदार पाटील यांनी जिल्हाधिकारी यांच्याकडे या मागणीचा पाठपुरावा केला होता.