बोदवडमधील विवाहितेची गळफास घेत आत्महत्या
बोदवड : शहरातील बाहेरपेठ भागातील प्रभाग क्रमांक पाचमधील विवाहितेने साडीने गळफास घेत आत्महत्या केली. शुक्रवारी दुपारी साडेतीन वाजेच्या सुमारास घडलेल्या या घटनेने शहरात खळबळ उडाली. संगीता अश्विन बोदडे (20) असे मृत विवाहितेचे नाव असून तिने आत्महत्या का केली? याचे कारण कळू शकले नाही. बोदवड पोलिसात मृत विवाहितेचे सासरे संजय श्रावण बोदडे (40, बोदवड) यांच्या खबरीनुसार अकस्मात मृत्यूची नोंद करण्यात आली. मृत विवाहितेच्या पश्चात तीन महिन्याची गोंडस मुलगीदेखील आहे. तपास उपनिरीक्षक भाईदास मालचे करीत आहेत.
