विवाहितेचा छळ ; पतीसह तिघांविरोधात गुन्हा

जळगाव : लग्नात हुंडा दिला नाही म्हणून संत मिराबाई नगरातील विवाहितेचा छळ झाला. मंगळवार, 5 जानेवारी रोजी दुपारी 2 वाजता पतीसह तीन जणांविरोधात रामानंदनगर पोलिस ठाण्यात गुन्हा दाखल करण्यात आला आहे.

हुंड्यासाठी विवाहितेचा छळ
जयश्री तुषार सोनवणे (36, रा.संत मिराबाई नगर, जळगाव) यांचा विवाह 30 एप्रिल 2018 रोजी जळगावातील डीएमसी कॉलनीत राहणारे तुषार अशोक सोनवणे यांच्याशी रितीरिवाजानुसार झाला. लग्नाचे काही दिवस सुरुवातीला चांगले गेल्यानंतर पती तुषार सोनवणे यांनी लग्नात हुंडा कमी दिला म्हणून त्यांना टोमणे मारणे सुरू केले. त्यानंतर सासू आणि दीर यांनी माहेरहून पैसे घेऊन यावे यासाठी विवाहितेला मानसिक व शारीरिक त्रास दिला. हा त्रास सहन न झाल्याने विवाहिता माहेरी निघून आल्या.