नंदुरबार : सुजलॉन टॉवरवर दरोडा टाकण्याच्या पूर्वतयारीत असणार्या टोळीला (The gang was caught by police preparing to rob Suzlon Tower) नंदुरबार तालुका पोलिसांनी (Nandurbar Taluka Police) अटक केली आहे. धुळे जिल्ह्यातील हट्टी या गावातील चोरांची टोळी सुजलॉन कंपनीच्या टॉवरसाठी नेमलेल्या सुरक्षारक्षकांना धाक दाखवून केबल वायर चोरी करणार असल्याची माहिती तालुका पोलिसांना मिळाल्यानंतर सापळा रचण्यात आला.
या टोळीतील सदस्यांना पडल्या बेड्या
पोलिस निरीक्षक राहुलकुमार पवार (pi rahulkumar pawar) यांनी वेगवेगळे पथक तयार करून या टोळीचा शोध घेण्याच्या सुचना दिल्या. काळमदेव मंदिराच्या पायथ्याशी दबा धरून बसलेल्या पोलिसांच्या पथकाने एका मोटरसायकलवर चार जण व एका मोटरसायकल वर एक जण असे येत असल्याचे लक्षात येताच पोलिसांनी त्यांना ताब्यात घेतले. संदीप गोरख सूर्यवंशी, मनोहर पोपट पदमोर, अधिकार रतन थोरात, राजेंद्र हिरामण खताळ, रोहिदास शिवाजी मासुळे अशी अटकेतील टोळीतील सदस्यांची नावे आहेत. पोलिसांनी या चोरांना ताब्यात घेतले असून त्यातील मासुळे हा पसार असल्याचे सांगण्यात आले. टोळीकडून चोरीसाठी वापरण्यात येणारे साहित्य जप्त करण्यात आले. नंदुरबार पोलिस अधीक्षक पी.आर.पाटील (sp p.r.patil) यांनी पत्रकार परीषदेत ही माहिती दिली.
