चोरीच्या पाच दुचाकींसह चोरटे जळगाव गुन्हे शाखेच्या जाळ्यात

जळगाव : जळगाव शहरातून चार तर नाशिकच्या पंचवटी भागातून एक दुचाकी लांबवणार्‍या दोघा चोरट्यांच्या जळगाव स्थानिक गुन्हे (jalgaon lcb) शाखेच्या पथकाने मुसक्या आवळल्या आहेत. ताब्यातील एक संशयीत असून दुसर्‍याचे नाव रुपेश संजय पाटील (साकरे, ता.धरणगाव) (rupesh sanjay patil) असे अटकेतील आरोपीचे नाव आहे. आरोपीच्या ताब्यातून चोरी केलेल्या पाच दुचाकी जप्त करण्यात आल्या असून संशयीताला जळगाव जिल्हापेठ पोलिस स्टेशनच्या (jalgaon jilha pet police station) ताब्यात देण्यात आले.

गोपनीय माहितीच्या आधारे अटक
जळगाव शहर व परीसरात दुचाकी चोरीचे सत्र सुरू असल्याने जिल्हा पोलिस अधीक्षकांनी कारवाईने आदेश दिल्यानंतर जळगाव गुन्हे शाखेने गोपनीय माहितीच्या आधारे रूपेश संजय पाटील व त्याच्या अल्पवयीन मित्रास ताब्यात घेतल्यानंतर संशयीतानी जळगाव शहर व जिल्हापेठ हद्दीतील प्रत्येकी दोन तर नाशिकच्या पंचवटी पोलिस ठाणे हद्दीतून एक दुचाकी लांबवल्याची कबुली दिली. पाचही दुचाकी पोलिसांनी जप्त केल्या आहेत. संशयीताना अधिक तपासासाठी जिल्हापेठ पोलिस स्टेशनच्या (jalgaon jilha pet police station) ताब्यात देण्यात आले.