फैजपूरकरांना दिलासा : करवाढ नसलेल्या शिलकी अर्थसंकल्पास मंजुरी

विकासकामांसाठी असा खर्च होणार निधी
अंदाजपत्रक 2022-23 या वित्तीय वर्षात महसुली जमा 56 कोटी 85 लक्ष 26 हजार 886 तर महसुली खर्च 57 कोटी 83 लक्ष 91 हजार 416 खर्चाची तरतूद करून 3 लाख 23 हजार 584 शिल्लकीचा तसेच भांडवली जमा 28 कोटी 16 लाख 50 हजार व भांडवली खर्च 28 कोटी 16 लक्ष 50 अशी एकूण 56 कोटी 85 लक्ष 26 हजार 886 जमेचा अंदाज व्यक्त करण्यात आला आहे. जमा रकमेतून शहरातील विविध विकास कामे दैनंदिन मूलभूत खर्च भागविण्यासाठी 57 कोटी 83 लक्ष 891 हजार 416 रुपयांची तरतूद करण्यात आली आहे.

विविध विकासकामांसाठी लाखोंची तरतूद
यात विशेष करून फैजपूर शहरातील पाणीपुरवठा, घनकचरा, वीज बिल यासाठी पंधराव्या वित्त आयोगातून पाच कोटींची भरघोस निधीची तरतूद करण्यात आली आहे. याचबरोबर शहरात नवीन रस्ते करणेकरिता विशेष रस्ता अनुदानातून पाच कोटींची तरतूद करण्यात आली आहे. शहरात गोर-गरीब लोकांकरीता पंतप्रधान आवास योजने अंतर्गत केंद्र व राज्य सरकार अंतर्गत पाच कोटींची तरतूद करण्यात आली आहे तसेच स्वच्छ महाराष्ट्र अनुदान एक कोटी, वैशिष्ट्यपूर्ण पाच कोटी, नगरोत्थान एक कोटी, अग्निशमन बळकटी करणासाठी एक कोटी 10 लाख, दलित वस्ती सुधारणा 70 लाख व दलितेतर अनुदान 80 लाख अशी तरतूद करण्यात आली आहे. कोणतीही करवाढ नसलेला अर्थसंकल्प सादर होवून त्यास मंजुरी मिळाल्याने शहरवासीयांनी समाधान व्यक्त केले आहे.

• थकबाकीदार शेतकर्‍यांचा वीजपुरवठा खंडित करणार नाही : उर्जामंत्र्यांची मोठी घोषणा