वाहनांना दोर बांधून ढकलत जळगावात काँग्रेसचे महागाईविरोधात आंदोलन

गरज सरो अन वैद्य मरो : डॉ.उल्हास पाटील
डॉ. पाटील म्हणाले की, ‘गरज सरो, वैद्य मरो’ या म्हणीसारखा भाजपाचा कारभार आहे. निवडणुकीत जनतेच्या रोषाला सामारे जायला नको म्हणून इंधन दरवाढ रोखून धरली आणि निवडणुका संपल्या मते घेतली निवडणून आले आणि लगेचच जनतेवर महागाईचा भार टाकण्यास सुरुवात केली आहे. मागील आठ दिवसात पेट्रोल, डिझेल 5.90 रुपये प्रति लिटर महाग झाले आहे तर एलपीजी गॅस सिलिंडर 50 रुपयांनी महाग झाला आहे. काही ठिकाणी एलपीजी सिलिंडर 1000 ते 1100 रुपये एवढ्या किमतीला घ्यावा लागत आहे. सीएनजी, पीएनजी गॅस तसेच खाद्यतेलाचे दरही वाढले असून आजपासून औषधांचे दरही वाढणार आहेत. केंद्रातील नरेंद्र मोदी सरकार जनतेला महागाईच्या खाईत लोटत असून त्याबद्दल त्यांना काहीही वाटत नाही. दी सरकारच्या या निर्णयाचे चटके देशातील जनता भोगत असून केंद्र सरकारला जागे करण्यासाठी आज पेट्रोल डिझेल दरवाढीला त्रस्त वाहनांना दोर बांधून ढकल गाडी आंदोलन केले याचा अर्थ असा की भविष्यात अशाच प्रकारे दरवाढ राहिली तर खरच सर्व सामन्यांना वाहन चालविणे कठीण होईल व ते वाहन असेच धूळ खात पडलेले राहतील म्हणजेच एकप्रकारे ते आपल्या आयुष्यातून निघून जातील व पायी फिरण्याची वेळ मोदी सरकारच्या कृपेमुळे होईल.

यांचा आंदोलनात सहभाग
याप्रसंगी जळगाव जिल्हा काँग्रेसचे जिल्हाध्यक्ष प्रदीप पवार, जळगाव जिल्हा युवक काँग्रेस जिल्हाध्यक्ष देवेंद्र मराठे, महानगरध्यक्ष मुजीब पटेल,शहराध्यक्ष शाम तायडे, ज्ञानेश्वर कोळी, मनोज पाटील, सखाराम मोरे,ज्ञानेश्वर महाजन, शरद पाटील, रतीलाल चौधरी, मनोज चौधरी, ऐश्वर्या राठोड, अर्चना पोळ, अमजद पठाण , रमेश शिंपी, प्रदीप देशमुख, रवींद्र जाधव, महेश पाटील, मकसूद पटेल, हर्षल दाणी , फैजन शहा, सारफराज शहा, दीपक कोळी, युसूफ खान, फज्जू शेख, अनिल सोळंखी, देवा ठाकूर आदी पदाधिकारी उपस्थित होते.

नाशिकजवळ पवन एक्स्प्रेसला अपघात : 24 तासानंतर डाऊन मार्गावरील रेल्वे वाहतूक पूर्ववत