नंदुरबार : तालुक्यातील ढंढाणे ते रनाळे या मार्गावर उधारीची रक्कम वसुली करून जाणार्या एकास मारहाण करून दोन लाख 18 हजारांची रक्कम लुटून नेल्याने खळबळ उडाली. संशयीतांनी दुचाकी चावी काढून तिही पळवून नेल्याची घटना शनिवारी दुपारी 12.15 वाजेच्या सुमारास घडली.
धुळ्यात गरोदर सुनेला विष पाजले : चुलत सासू-सासर्यासह चौघांवर गुन्हा
भरदिवसा लांबवली रोकड
दाऊळ, ता.शिंदखेडा येथील रहिवासी साहेबराव उत्तम महाजन (51) हे दोंडाईचा येथे शेठ श्यामलाल बोथरा यांच्याकडे कामाला आहेत. बोथरा यांनी साहेबराव महाजन यांना खेड्यावर जाऊन दुकानाचे उधारीचे पैसे जमा करण्याचे काम सांगितले. महाजन मोटारसायकल (क्रमांक एम.एच. 18 बी.जे.0920) ने मालपूर खुर्द, तलवाडी, इंद्रीहट्टी, ऐचाळे, शनिमांडळ या गावांमध्ये गेले. तेथे त्यांनी दोन लाख 18 हजार 500 रुपयांची उधारी वसुली केली. त्यानंतर त्यांनी ही रक्कम सॅकमध्ये ठेवली. रनाळेजवळ आले असताना महाजन यांची सॅक एकाने ओढून त्यांना खाली पाडले तसेच मनगटाला चावा घेत सॅक ओढून नेली तसेच दुसर्याने त्यांची मोटारसायकल पळवून नेली. लूटमार करणार करणार्या दोघांच्या विरोधात गुन्हा दाखल करण्यात आला.
