वरणगावात भारनियमन रद्दसाठी भाजपाचे ‘ठिय्या’ आंदोलन

वरणगाव : वरणगाव पाणीपुरवठा योजनेवरील जॅकवेल कठोरा येथे मोठ्या प्रमाणावर वीज कंपनीकडून होणार्‍या भारनियमनामुळे शहराला तब्बल 15 दिवसांआड पाणीपुरवठा होत असल्याने नागरीकांचे ऐन उन्हाळ्यात हाल होत असून महिलावर्गाची पाण्यासाठी भटकंती होत आहे. कठोरा येथील जॅकवेलवरील भारनियमन बंद करावे, दीपनगर येथून 24 तास वीजपुरवठा होईल, अशी वीज वाहिनी कठोरापर्यंत टाकावी अथवा एक्सप्रेस फिडर बसविण्यात यावे या मागणीसाठी सोमवारी सकाळी वरणगावातील महा वितरण कंपनीच्या वरणगाव सबडिव्हीजन कार्यालयावर ठिय्या आंदोलन करीत घोषणाबाजी केली.

यांनी केले आंदोलन
भाजपाचे माजी नगराध्यक्ष सुनील काळे, सुनील माळी, आकाश निमकर, अ‍ॅड.ए.जी.जंजाळे, जिल्हा उपाध्यक्ष मिलिंद भैसे, गोलू राणे, साबीर कुरेशी, दीपक चौधरी, मयूर गावंडे, शहर उपाध्यक्ष हितेश चौधरी, भीमराव कंखरे, भाजयुमो उपाध्यक्ष पप्पू ठाकरे, रामभाऊ माळी, अशोक पाटील, बळीराम सोनवणे, माणिक कोळी, गणेश चौधरी, किसान मोर्चाचे ऋषिकेश महाजन यांच्यासह असंख्य भाजपा कार्यकर्ते आंदोलनात सहभागी झाले.