One Crore Illegal Liquor Seized in Nandurbar नंदुरबार : अवैधरीत्या मद्याची वाहतूक करणार्या कंटेनरवर राज्य उत्पादन शुल्क विभागाने कारवाई करीत कंटेनरसह एक कोटी 14 लाख 68 हजार रुपयांचा मुद्देमाल जप्त केल्याने अवैधरीत्या मद्याची वाहतूक करणार्यांच्या गोटात खळबळ उडाली.
गोपनीय माहितीवरून कारवाई
जिल्ह्यात मोठ्या प्रमाणात दारूची तस्करी सुरू असल्याने राज्य उत्पादन शुल्क विभागावर प्रश्नचिन्ह उपस्थित केले जात होते. अखेर राज्य उत्पादन शुल्क विभाग ऍक्शन मोडमध्ये आल्याने गुप्त माहितीच्या आधारे भरारी पथकाने नंदुरबार – दोंडाईचा रस्त्यावर वाहन पकडून कारवाई केली आहे. तालुक्यातील न्याहली गावाजवळ टाटा कंपनीचा पॅक बॉडी असलेला कंटेनर (एम.एच.46 एफ.4868) आल्याने त्या वाहनाची तपासणी करण्यात आली. त्या वाहनामध्ये रॉयल ब्ल्यु व्हिस्की 180 मि.ली. क्षमतेच्या एकूण एक लाख 3680 बाटल्या (2160 बॉक्स) दिसुन आले.
यांनी केली कारवाई
राज्य उत्पादन शुल्कचे आयुक्त कांतीलाल उमाप, विभागीय उपायुक्त अर्जुन ओहोळ, पुणे अधीक्षक सी.बी.राजपूत यांच्या मार्गदर्शनाखाली नंदुरबार राज्य उत्पादन शुल्क विभागातील भरारी पथक निरीक्षक डी.एम.चकोर, दुय्यम निरीक्षक पी. जे.मेहता, एस.एस.रावते, पी.एस.पाटील, अविनाश पाटील, भुषण एम.चौधरी, हितेश जेठे, वाहन चालक हेमंत पाटील, राजेंद्र पावरा, एम.एम. पाडवी, संदीप वाघ, हर्षल नांद्रे या पथकाने केली. तपास दुय्यम निरीक्षक पी.जे.मेहता करीत आहेत.
भुसावळात तरुणाच्या डोक्यात बिअरची बाटली फोडली : दोघांविरोधात गुन्हा
