ऐकावे ते नवलच ! : दहिगावातील प्रौढाला पंधरांव्या सर्पदंश
पंधरा दिवसात दुसर्यांदा चावा : सातत्याने सर्पदंश होण्याची कारणे समोर येण्याची मागणी
It’s New to Hear ! : Fifteenth snake bite to an adult in Dahigaon यावल : तालुक्यातील दहिगाव येथील रहिवासी गणेश देविदास मिस्तरी (42) हे गुरूवारी लघूशंकेसाठी सार्वजनिक स्वच्छतागृहात गेले असता त्यांच्या उजव्या पायाला सापाने चावा घेतला. हा प्रकार निदर्शनास येतात त्यांना तातडीने यावल ग्रामीण रुग्णालयात उपचाराकरीता दाखल करण्यात आले.
आतापर्यंत पंधरा वेळा सर्पदंश
वैद्यकीय अधिकारी डॉ.बी.बी.बारेला, अधिपरीचारिका ज्योत्ना निंबाळकर, अधिपरीचारिका दीपाली किरंगे, सुमन राऊत आदींनी त्यांच्यावर उपचार केले .सध्या त्यांची प्रकृती स्थिर आहे. यापूर्वी 22 जून रोजी त्यांना 14 व्यांदा सर्पदंश झाला होता व पंधरा दिवसात पुन्हा दुसर्यांदा सापाने चावा घेतला. गणेश मिस्तरी यांना वारंवार सर्पदंश होत असल्याने त्यांचे कुटुंब पुरते हैराण झाले आहे.
