Nandurbar Girl Raped नंदुरबार हादरले : आधी बालिकेवर केला बलात्कार नंतर केली हत्या : दाम्पत्यासह चौघे जाळ्यात

धक्कादायक  ! : भाषण सुरू असतानाच जपानचे माजी पंतप्रधान शिंजो आबे यांच्यावर झाडल्या गोळ्या

संशयीत महिलेच्या अटकेनंतर धक्कादायक खुलासे
पोलीस अधीक्षक पी.आर.पाटील यांनी स्थानिक गुन्हे शाखेचे पोलीस निरीक्षक रविंद्र कळमकर व नंदुरबार शहर पोलीस ठाण्याचे पोलीस निरीक्षक किरणकुमार खेडकर यांच्या नेतृत्वाखाली मयत बालिकेची ओळख पटविण्यासाठी व गुन्ह्यात सहभागी असलेल्या अज्ञात आरोपीचा तात्काळ शोध घेण्यासाठी वेगवेगळी 7 पथके तयार करण्यात आली. शहरातील कंजरवाडा परिसरात फिरणार्या एका महिलेकडे रविवार, 3 जुलै 2022 रोजी सायंकाळी अंदाजे 2 वर्ष वयाची लहान मुलगी होती व तिच्यासोबत आणखी तीन ते चार इसम फिरत असल्याची माहिती पोलीस अधीक्षक पी.आर.पाटील यांना मिळाली. त्यानुसार पोलीस निरीक्षक रविंद्र कळमकर हे स्वतः स्थानिक गुन्हे शाखेच्या पथकासह नंदुरबार शहरातील कंजरवाडा परीसरात संशयीत महिलेला ताब्यात घेण्यासाठी रवाना झाले. पथकाने कंजरवाडा, रेल्वे स्टेशन व आजुबाजुच्या परीसरात संशयीत महिलेचा शोध घेतला परंतु शहरातील उड्डाणपुलाखाली एका कॉलमच्या आडोश्याला एक महिला बसलेली पथकाला दिसली. संशयीत महिलेला ताब्यात घेवून पोलीस अधीक्षक कार्यालय येथे आणून विचारपुस केली असता तिच्याकडून अतिशय धक्कादायक माहिती समोर आली.

आधी केला बलात्कार नंतर केली हत्या
रविवार,3 जुलै 2022 रोजी संशयीत महिला ही तिचा नवरा रणजित पवार तसेच रविंद्र पावरा, मुकेश आर्य असे चलथान (गुजरात) येथून नंदुरबार येथे येत असतांना चलथान परीसरात संशयीत महिलेस एक लहान मुलगी रडतांना दिसली. संशयीत महिलेने व तिच्यासोबत असणार्‍या इसमांनी त्या लहान मुलीस संगनमताने उचलून घेत रेल्वेने नंदुरबार येथे बेकायदेशीर हेतूने आणले. नंदुरबार येथे सर्वांनी मिळून रेल्वे स्टेशन जवळील कंजरवाडा परीसरात दारुचे सेवन केले. त्यानंतर रात्रीच्या वेळेस ती चिमुकली झोपी गेली असता रात्रीच्या वेळेस रणजित, रविंद्र, मुकेश यांनी त्या चिमुकलीला रेल्वे कॉलनी परिसरातील रेल्वे नियंत्रण कक्षाच्या लगत असलेल्या एका सेफ्टी टँकजवळील भागात आणले. त्यावेळी संशयीत महिला ही रस्त्यावर उभी राहून येणार्या जाणार्या लोकांवर लक्ष ठेवण्यासाठी उभी होती. संशयीत महिला हिचा पती रणजित पवार याने त्या अनोळखी दोन वर्षीय चिमुकलीवर अत्याचार केला. जिवाच्या आकांताने रडणार्‍या त्या चिमुकलीचा रणजित याने गळा आवळून खून केला. त्यानंतर सर्वांनी मिळून तिचा मृतदेह रेल्वे कॉलनी परिसरातील नियंत्रण कक्षालगत असलेल्या एका सेफ्टी टँकमध्ये फेकून दिला.

आरोपीला नवापूरातून बेड्या
संशयीत महिलेचा पती रणजित दिना पवार हा नवापूर येथे असल्याची माहिती मिळाली. त्यानुसार नवापूर पोलीस ठाण्याचे पोलीस निरीक्षक बाळासाहेब भापकर यांच्या पथकाने रणजित यास नवापुरातून ताब्यात घेतले. मुकेश नारायण आर्य व रविंद्र विजय पावरा यांना नंदुरबार शहर पोलीस ठाण्याचे पोलीस अधिकारी व अंमलदार यांनी नंदुरबार शहरातून ताब्यात घेतले . संशयीत महिलेने दिलेल्या माहितीची रणजित, मुकेश व रविंद्र यांच्याकडून खात्री केली असता त्यांनीदेखील गुन्ह्यात सहभागी असल्याची कबुली दिली.
याप्रकरणी संशयीत महिला, रणजित दिना पवार (रा.नागसर, ता.नवापूर), मुकेश नारायण आर्य (रा.धनोरा, ता.सेंधवा, जि.बडवाणी मध्य प्रदेश), रवींद्र विजय गावरा (रा. चिकलटी फाटा, शेलकुवी, ता.धडगाव) यांना अटक करण्यात आली.

यांनी केली गुन्ह्याची उकल
या गुन्ह्याची उकल ोलीस अधीक्षक पी.आर.पाटील, प्पर पोलीस अधीक्षक विजय पवार, उपविभागीय पोलीस अधिकारी सचिन हिरे यांच्या मार्गदर्शनाखाली स्थानिक गुन्हे शाखेचे पोलीस निरीक्षक रविंद्र कळमकर, पोलीस निरीक्षक किरणकुमार खेडकर, नवापूरचे पोलीस निरीक्षक बाळासाहेब भापकर, पोलीस उप निरीक्षक हेमंत मोहिते तसेच स्थानिक गुन्हे शाखा व नंदुरबार शहर पोलीस ठाण्याच्या गुन्हे शोध पथकाच्या अंमलदारांनी केली.

खान्देशसह नाशिकमधून 12 दुचाकी लांबवणारा आरोपी गुन्हे शाखेच्या जाळ्यात