Chandrakant Patil Spoke And Showed The Heartbreak : We Made Eknath Shinde the Chief Minister with a Stone on Our Heart चंद्रकांत पाटलांनी बोलून दाखवली मनातील खदखद : आम्ही मनावर दगड ठेवून एकनाथ शिंदेंना मुख्यमंत्री केले
Chandrakant Patil Spoke And Showed The Heartbreak : We Made Eknath Shinde the Chief Minister with a Stone on Our Heart मुंबई : शिवसेनेतील बंडानंतर शिंदे गटाला सोबत घेवून भाजपाने राज्यातील सत्ता उलथवत मुख्यमंत्रीपदी एकनाथ शिंदे यांची निवड केली खरी मात्र या पदावर दावा देवेंद्र फडणवीसांचा असल्याने त्यावरून बरीच चर्चादेखील झाली मात्र आता या पदावरून नवीन वादाला भाजपा प्रदेशाध्यक्ष चंद्रकांत पाटील यांनी तोंड फोडले आहे. आम्ही मनावर दगड ठेवून एकनाथ शिंदे यांना मुख्यमंत्री पद दिले, असे खळबळजनक विधान करून चंद्रकांत पाटलांनी (Chandrakant Patil) नवीन वादाला फोडणी दिली आहे.
टिका होताच हटवले विधान
भाजप अध्यक्ष चंद्रकांत पाटील (Chandrakant Patil) यांनी केलेल्या विधानाची जोरदार चर्चा सध्या राजकीय वर्तुळात रंगताच व हे विधान अडचणीचं ठरू लागल्याने भाजपच्या अधिकृत वेबसाईटवर हे भाषण हटवण्यात आले. भाजपच्या राष्ट्रीय कार्यकारिणीची बैठक पनवेल येथील वासुदेव बळवंत फडके सभगृहात पार पडली. या बैठकीत अध्यक्षीय भाषणात कार्यकर्ते आणि पदाधिकारी यांना भाजप प्रदेशाध्यक्ष चंद्रकांत पाटील यांनी मार्गदर्शन केले.
ट्रोल होताच हटवले भाषण
या भाषणात त्यांनी सरकार कशा परीस्थितीत स्थापन केले याविषयी कार्यकर्त्यांना भूमिका सांगितली. सरकार स्थापन करताना आपण विशेषतः देवेंद्र फडणवीस यांनी मनावर दगड ठेवून एकनाथ शिंदे यांना मुख्यमंत्री केले, असे खळबळजनक विधान केलं. हे विधान प्रसारमाध्यमांकडे आल्यानंतर यावर विविध राजकीय प्रतिक्रिया उमटू लागल्या. हे भाषण ट्रोल होऊ लागल्याने हे भाषण भाजप वेबसाईट वरून हटवण्यात आले. हे विधान करून चंद्रकांत पाटील (Chandrakant Patil) यांनी एकनाथ शिंदे आणि देवेंद्र फडणवीस या दोघांवर निशाणा साधला असल्याचे बोलले जात आहे.
