गिरीश महाजनांचा गौप्यस्फोट : रेकॉर्डींगमुळे सत्य आले बाहेर ; अन्यथ ड्रग माफिया म्हणून तुरूंगात टाकले असते !

Girish Mahajan’s exposé: The truth came out because of the recording; Otherwise, he would have been jailed as a drug mafia ! जळगाव : मला ‘ड्रग माफिया’ दाखवून थेट दोन वर्षे तुरुंगात टाकण्याचा डाव तत्कालीन गृहमंत्री अनिल देशमुख यांच्या माध्यमातून करण्यात येत होता मात्र रेकॉर्डींगमुळे सर्व सत्य बाहेर आले असून सीबीआय आता ती चौकशी करणार असल्याने आता दूध का दूध आणि पाणी का पाणी होईल, असा दावा माजी जलसंपदा मंत्री गिरीश महाजन (Girish Mahajan) यांनी केल्यामुळे राजकीय वर्तुळात प्रचंड खळबळ उडाली आहे. दरम्यान, महाविकास आघाडी सरकारमध्ये भाजपचे नेते गिरीश महाजन यांच्यासह 28 जणांविरोधात दाखल गुन्ह्याची चौकशी राज्यातील पोलिसांकडून काढून घेत आता सीबीआयकडे देण्यात आली आहे.

मेथी गावाजवळ तीन वाहनांच्या भीषण अपघातात तिघे जागीच ठार

रेकॉर्डींगमुळे उघड झाले षडयंत्र
आपल्या वाहनात ड्रग टाकायचे, ते पकडायचे आणि आपल्याला ड्रग माफिया म्हणून घोषित करून तुरूंगात टाकायचे, असे एखाद्या दाक्षिणात्य चित्रपटाला लाजवेल, असे षडयंत्र आपल्याविरुद्ध रचण्यात आले होते. त्याबाबत झालेल्या रेकॉर्डिंगमुळे त्यांचा उलगडा झाला आहे. त्याचा तपास चौकशी आता ‘सीबीआय’कडे दिला आहे, असे आमदार महाजन (Girish Mahajan) यांनी सांगत पुढे सांगितले की, माझ्याविरुद्ध धमकी दिल्याचा गुन्हा पुण्यापासून पाचशे किलोमीटरवर असलेल्या एका गावात दाखल करण्यात आला. त्यातही पोलिसांवर दबाव आणण्यात आला. त्यानंतर विशेष सरकारी वकील अ‍ॅड.प्रवीण चव्हाण यांनी आपल्याला विविध गुन्ह्यांत अडकविण्याचा कट रचला होता.