ही तर सरड्याची औलाद….मंत्री सत्तारला धडा शिकवणार : बेताल वक्तव्यानंतर राष्ट्रवादी आक्रमक

सत्तारच्या दौर्‍यामध्ये सत्तेची मस्ती उतरवणार
राष्ट्रवादी युवक काँग्रेसच्या सर्व पदाधिकार्‍यांनी महाराष्ट्रभर सत्तार यांच्या पुतळ्याचे दहन करून निषेध नोंदवण्याचे आवाहन शेख यांनी केले आहे. संपूर्ण महाराष्ट्रभर अब्दुल सत्तारच्या पुतळ्याला जोडे मारुन त्याच्या पुतळ्याचे दहन करावे. तसेच सत्तारच्या दौर्‍यामध्ये सत्तेची मस्ती उतरवण्याची तयारी राष्ट्रवादी युवक काँग्रेसने करावी. याला धडा शिकवल्याशिवाय राष्ट्रवादी युवक काँग्रेसच्या कार्यकर्त्यांनी शांत बसू नये, असे आवाहन शेख यांनी राष्ट्रवादीच्या कार्यकर्त्यांना केले आहे.

नेमकं काय घडलं?
कृषीमंत्री अब्दुल सत्तार यांच्यावर खासदार सुप्रिया सुळे यांनी पन्नास खोक्यावरुन टीका केली होती. पन्नास खोके तुम्हाला पण मिळाले आहेत का? असा सवाल सुळे यांनी सत्तार यांना केला होता. यावर सत्तारांनी उत्तर देताना म्हटलं, ते तुम्हाला हवे आहेत का? यावर सुळे यांनी प्रतिक्रिया देताना तुमच्या पन्नास खोके आले असतील म्हणूनच तुम्ही आम्हाला ऑफर करत आहात, असं प्रत्युत्तर सुळे यांनी दिले. या प्रत्युत्तराला उत्तर देताना मंत्री अब्दुल सत्तार यांनी सुळे यांनी शिवी दिल्याचे समोर आले आहे. एका वृत्तवाहिनीशी संवाद साधताना मंत्री सत्तार यांनी सुप्रिया सुळे यांना शिवी दिली त्यामुळे राजकीय वातावरण चांगलेच तापले आहे.