किन्हीत लिपिकाची आत्महत्या

भुसावळ : तालुक्यातील किन्ही येथील रहिवासी व सर्वोदय विद्यालयातील लिपिक संतोष अविनाश ढाके (56) यांनी मोंढाळा शिवारातील त्यांच्या शेतात शुक्रवारी रात्री एक वाजेच्या सुमारास विषारी द्रव सेवन करून आत्महत्या केली. आत्महत्येचे कारण कळू शकले नाही. या प्रकरणी तालुका पोलिस ठाण्यात शुक्रवारी अकस्मात मृत्यूची नोंद करण्यात आली. दरम्यान, घटनास्थळावरून पोलिसांनी विषारी द्रवाची बाटली जप्त करण्यात आली. तालुका पोलिस ठाण्याचे निरीक्षक रामकृष्ण कुंभार यांनी घटनास्थळी भेट दिली. वरणगाव येथील ग्रामीण रुग्णालयात शवविच्छेदन करण्यात आले.