भुसावळात महिलेस अश्लील शिविगाळ करीत मारहाण : दाम्पत्याविरोधात गुन्हा
भुसावळ : शहरातील जामनेर रोडवरील दगुबाई भवनाजवळ पार्किंगच्या जागेवर ट्यूबलाईटचे तुकडे का टाकले या कारणावरून झालेल्या वादानंतर महिलेस अश्लील शिविगाळ करीत मारहाण करण्यात आली. या प्रकरणी दाम्पत्याविरोधात बाजारपेठ पोलिसात गुन्हा दाखल करण्यात आला.
दाम्पत्याविरोधात गुन्हा दाखल
कल्पना अनिल चौधरी (54, अष्टभूजा मंदिरामागे, भुसावळ) यांच्या तक्रारीनुसार , मंगळवारी दुपारी साडेबारा वाजेच्या सुमारास संशयित गिरधारी रामकिशोर हेडा व प्रीती गिरधारी हेडा यांनी ट्यूब लाईटच्या काचेचे तुकडे पार्किंगच्या जागेवर का टाकले म्हणत वाद घालून अश्लील शिविगाळ केली तसेच चापटा-बुक्क्यांनी मारहाण तसेच फिर्यादीच्या मुलाला विटई मारून फेकली. तपास हवालदार जितेंद्र पाटील करीत आहेत.
