मोठी बातमी : कुविख्यात गँगस्टर अतीक अहमदसह भाऊ अश्रफची प्रयागराजमध्ये गोळी झाडून हत्या

आधी मुलगा यमसदनी नंतर पित्याची झाली हत्या
अतीकचा मुलगा असदसह त्याच्या साथीदार गुलामचा पोलिसांनी एन्काउंटर केला होता व शनिवारी सकाळी 10 वाजताच असदवर अंत्यसंस्कार करण्यात आले असतानाच आता त्याच्या वडिलांसह भावाचीही हत्या झाल्याने प्रयागराज हादरले आहे. असदच्या अंत्यसंस्कारासाठी पोलिसांनी असदच्या आजोबांसह मोजक्या 20-25 नातेवाईकांनाच कब्रस्तानमध्ये जाण्याची परवानगी दिली होती. अतीक मुलाच्या अंत्ययात्रेत सहभागी होऊ शकला नव्हता. सुपूर्द-ए-खाकदरम्यान कब्रस्तान परीसराची ड्रोनद्वारे निगराणी करण्यात आली होती. पोलिसांची चोख सुरक्षा व्यवस्थाही यावेळी ठेवण्यात आली होती.

न्यायालयीन चौकशीचे आदेश
दरम्यान, या असद प्रकरणी न्यायालयीन चौकशीचे आदेश देण्यात आले आहेत. जिल्हा न्यायदंडाधिकारी अंकुर श्रीवास्तव यांना तपास अधिकारी बनवण्यात आले आहे. आदेशात म्हटले आहे की, कुणीही व्यक्ती एन्काऊंटरविषयीचे पुरावे 3 दिवसांत देऊ शकतो.

अखेर भीती खरी ठरली
असदच्या नातेवाईकांनी यापूर्वीच अतीकची एन्काउंटर करून हत्या होणार असल्याची भीती वर्तवली होती मात्र आता तसे घडले नाही. आरोपीला वैद्यकीय तपासणीसाठी नेण्यात आल्यानंतर हल्लेखोरांनी अचानक येत गोळ्या झाडल्याने अतीकसह त्याच्या भाऊ अश्रफ अहमदचा मृत्यू झाला. सूत्रांच्या माहितीनुसार, हल्लेखोर तीन होते व त्यांना ताब्यात घेण्यात आले आहे. नवीन तिवारी, अरुण मोरया व सोनू अशी अटकेतील आरोपींची नावे आहेत.

गुंड अतीक विरोधात अनेक गुन्हे
गुंड अतीक अहमद हा २००५ मधील बसपा आमदार राजू पाल हत्याकांड आणि फेब्रुवारीमध्ये झालेल्या उमेश पाल हत्याकांडातील प्रमुख आरोपी होता. तसेच अतीक अहमदवर उत्तर प्रदेशमध्ये अनेक गंभीर गुन्ह्यांची नोंद आहे. यामध्ये खून, खंडणी अशा गंभीर गुन्ह्यांचा समावेश आहे.

पत्रकारांच्या वेशात आले हल्लेखोर
दुचाकीवरून तीन संशयित पत्रकारांच्या वेशात आले व त्यांनी प्रतीक अहमद मीडियाला बाईट देत असताना त्याच्यासह भाऊ अश्रफ अहमदच्या डोक्यावर गोळ्या झाडल्या. दरम्यान हत्यानंतर आरोपींनी जय श्रीरामच्या घोषणा दिल्या तसेच सरेंडर सरेंडर म्हणत पोलिसांकडे आत्मसमर्पण केले.