जळगाव जिल्ह्यात बनावट हातभट्टी बनवणारे दोघे स्थानबद्ध : जळगाव जिल्हाधिकार्‍यांच्या आदेशाने गुन्हेगार हादरले

Two makers of fake hand furnaces arrested in Jalgaon district: Criminals shaken by order of Jalgaon District Collector जळगाव : जळगाव जिल्ह्यातील वाळू माफियांसह अवैध व्यवसायीक तसेच हातभट्टी चालकांविरोधात पोलीस प्रशासनाकडून धडक कारवाई केली जात असताना आता पुन्हा बनावट अवैध दारू बनवणार्‍या तसेच अवैधरीत्या गावठी दारू बनवणार्‍या दोघांविरोधात एमपीडीए कायद्यांतर्गत कारवाई करण्यात आल्याने गुन्हेगार हादरले आहेत. विशेष म्हणजे आतापर्यंत 32 संशयिताविरोधात कारवाई करण्यात आली आहे. दरम्यान, रामानंदनगर पोलीस ठाणे आणि पारोळा पोलीस ठाण्याच्या हद्दीतील विश्वास अरूण गारूंगे (42, रा. समता नगर, जळगाव) आणि समाधान लोटन चौधरी (36, राजीव गांधी नगर, पारोळा) अशी स्थानबद्ध झालेल्यांची नावे आहेत. याबाबतची माहिती जळगाव गुन्हे शाखेचे वरीष्ठ निरीक्षक किसनराव नजन पाटील यांनी दिली.

कारवाईने गुन्हेगार हादरले
रामानंद नगर पोलीस ठाण्याच्या हद्दीत विश्वास अरूण गारूंगे हा गुन्हेगार परीसरात अवैधरित्या गावठी दारून बनविणे व त्याची विक्री करणे व शासनाच्या आदेशाने उल्लंघन करणे असे वेगवेगळ्या स्वरूपाचे एकुण 18 गुन्हे रामानंद नगर पोलीसात दाखल आहे. शिवाय त्याच्यावर या आधी चार वेळा प्रतिबंधात्मक कारवाई देखील करण्यात आली परंतू त्याच्या वागणुकीत कोणतीही सुधारणा झाली नसल्याने रामानंद नगर पोलीस ठाण्याच्या पोलीस निरीक्षक शिल्पा पाटील यांनी अहवाल तयार करून जिल्हा मुख्यालयात पाठविला.