मलाच आता आमदार मंगेश चव्हाणांच्या कार्याचा हेवा वाटतोय ! : चाळीसगावात मंत्री गिरीश महाजन
I am now jealous of MLA Mangesh Chavan’s work ! : Minister Girish Mahajan in Chalisgaon चाळीसगाव : गेल्या 30 वर्षांपासून मी आमदार आहे, मंत्री आहे मात्र माझ्या डोक्यात कधी विद्यार्थ्यांना स्कॉलरशीप वाटप करावीशी, त्यांना सायकल वाटपाची कल्पना आली नाही, मात्र चाळीसगाव शहराचे आमदार मंगेश चव्हाण कल्पक आहेत. त्यांनी माझ्या माझ्या पावलावर पाऊल ठेवण्याचा संकल्प केला असला तरी ते करत असलेली समाजसेवा पाहून मलाच त्यांच्या पावलावर पाऊल ठेवून चालावेसे वाटते, त्यांचा हेवा वाटतो, अशा शब्दात ग्रामविकास राज्यमंत्री गिरीश महाजन यांनी आमदार मंगेश चव्हाण यांच्या कार्याचे कौतुक केले. चाळीसगावातील सिग्नल पॉईंट येथे मंगळवारी सायंकाळी सुमारे बाराशे विद्यार्थ्यांना आमदार चव्हाण यांनी स्वखर्चातून सायकल वाटप करण्यात आली. याप्रसंगी आयोजित भव्य कार्यक्रमात बोलत होते.
परीस्थितीवर मात करून चांगले शिक्षण घ्या
मंत्री महाजन यांनी आमदार मंगेश चव्हाण यांच्या कार्याचे यावेळी तोंड भरून कौतुक केले. महाराष्ट्रातील कुठल्याही भाजपाच्या आमदाराचे कार्यालय इतके सुसज्ज नसेल इतके चांगले कार्यालय आमदार चव्हाण यांचे असल्याचे ते म्हणाले. विशेष म्हणजे या कार्यालयात अतिशय वेल्ड ट्रेण्ड कर्मचारी या कार्यालयात नियुक्त करण्यात आले असून त्या माध्यमातून जनतेची काम केली जात आहेत. विद्यार्थ्यांनी आता मिळालेल्या सायकलीचा चांगला सदुपयोग करावा, शाळेत येण्यासाठी या सायकलीचा वापर करावा, चांगले शिक्षण घ्यावे व आपल्या गावाचे, तालुक्याचे व राष्ट्राचे नाव उंचवावे, असे आवाहन त्यांनी केले.
यांची कार्यक्रमास उपस्थिती
राज्याचे ग्रामविकास व पर्यटनमंत्री गिरीश महाजन यांच्यासह जैन इरीगेशनचे अध्यक्ष अशोक जैन यांच्याहस्ते या विद्यार्थ्यांना सायकल भेट देण्यात आली. अध्यक्षस्थानी जैन उद्योग समूहाचे अध्यक्ष अशोक जैन होते. प्रमुख पाहुणे म्हणून जिल्हाधिकारी आयुष प्रसाद, जि.प.चे मुख्य कार्यकारी अधिकारी अंकित, जिल्हा पोलीस अधीक्षक एम.राजकुमार या प्रमुख मान्यवरांची उपस्थिती लाभली होती. चाळीसगाव शहरातील छत्रपती शिवाजी महाराज चौक मैदान, (सिग्नल पॉइंट) येथे वाजता भव्यदिव्य कार्यक्रमात या विद्यार्थ्यांना सायकलींचे वितरण करण्यात आले.
