उत्तर महाराष्ट्रासह 12 जिल्ह्यात इंधन पुरवठा होणार : टँकर चालकांच्या बैठकीत निघाला तोडगा
Fuel will be supplied in 12 districts including North Maharashtra : A solution was reached in a meeting of tanker drivers नाशिक : हिट अ‍ॅण्ड रन कायद्याविरोधात राज्यात वाहतूकदारांनी संपाची हाक दिल्यानंतर राज्यभरातील पेट्रोल पंपावर वाहनांच्या रांगा लागल्या आहेत. या पार्श्वभूमीवर एक दिलासादायक बातमी समोर आली आहे. मनमाडच्या पानेवाडी इंधन प्रकल्पात टँकर चालकांसोबत प्रशासनाची बैठक झाली. या बैठकीत तोडगा निघाल्याने असून वाहतूकदारांनी काम करण्यास मान्य केल्याने उत्तर महाराष्ट्रासह 12 जिल्ह्यात इंधन पुरवठ्याचा मार्ग मोकळा झाला आहे. याबाबतचे वृत्त ‘एबीपी माझा’ या वृत्तवाहिनीने दिले आहे.
यांची बैठकीला उपस्थिती
मनमाडच्या पानेवाडी इंधन प्रकल्पात टँकर चालकांसोबत जिल्हाधिकारी जलज शर्मा, पोलिस अधीक्षक शहाजी उमप, प्रकल्प अधिकारी, आरटीओ, पोलिस प्रशासन यांच्यात बैठक पार पडली. कालपासून प्रशासनासोबत झालेल्या तीन बैठका निष्फळ ठरल्या होत्या मात्र मंगळवारी जिल्हाधिकार्‍यांच्या उपस्थितीत झालेल्या बैठकीत तोडगा निघाला.
