चाळीसगावात शिवपुराण कथेच्या बंदोबस्तासाठी आलेल्या होमगार्डचा हृदयविकाराने मृत्यू

A home guard who came for the settlement of Shivpuran story in Chalisgaon died of heart attack चाळीसगाव : चाळीसगाव शहरात शिवपुराण कथेनिमित्त बंदोबस्तासाठी आलेल्या जळगावातील होमगार्डचा हृदयविकाराने मृत्यू झाला. ही दुर्दैवी घटना बुधवारी सायंकाळी बसस्थानकासमोर घडली. सैय्यद हाफिज सैय्यद रऊफ (52, सुरेशदादा नगर, बिल्डींग क्रमांक 29, रूम नंबर 22, गेंदालाल मिल, जळगाव) असे मयत होमगार्डचे नाव आहे.

बंदोबस्त करीत असताना मृत्यू
चाळीसगाव शहरात पं.प्रदीप मिश्रा यांच्या कथेचे 16 पासून आयोजन करण्यात आले आहे. वाहतुकीची कोंडी टाळण्यासाठी जिल्हाभरातून मोठ्या प्रमाणावर पोलिस व होमगार्ड कर्मचारी बंदोबस्तासाठी तैनात करण्यात आले आहे. बुधवारी सायंकाळी सव्वा पाच वाजता सैय्यद हाफिज हे बसस्थानकासमोर शहर वाहतूक शाखेचे मुकेश बिर्‍हाडे, हवालदार अजय पाटील यांच्यासोबत कर्तव्यावर असताना त्यांना अस्वस्थ वाटू लागले व त्यांच्या तोंडातून फेस येवू लागताच सोबतच्या सहकार्‍यांनी त्यांना तत्काळ रीक्षातून चाळीसगावच्या श्री समर्थ रुग्णालयात हलवले मात्र तोपर्यंत त्यांचा मृत्यू ओढवला.