रेल्वे प्रवाशांना मोठा दिलासा : दादर-नंदुरबार एक्स्प्रेसचा आता भुसावळपर्यंत विस्तार
Big relief for railway passengers: Dadar-Nandurbar Express now extended to Bhusawal जळगाव : प्रायोगिक तत्वावर सुरू करण्यात आलेल्या दादर-नंदुरबार (09049/50) एक्सप्रेसचा आता भुसावळपर्यंत विस्तार करण्यात आल्याने रेल्वे प्रवाशांना मोठा दिलासा मिळाला आहे. खासदार स्मिता वाघ यांच्या प्रयत्नांतून रेल्वेचा विस्तार करण्यात यश आले आहे.
प्रशासनाकडे केली होती माागणी
दादर-नंदुरबार एक्सप्रेस ही गाडी भुसावळपर्यंत वाढवावी यासाठी खासदार स्मिता वाघ यांनी रेल्वे प्रशासनाकडे लेखी मागणी केली. ही रेल्वे गाडी नंदुरबारपर्यंत असल्यामुळे प्रवाशांची मोठी गैरसोय होणार होती. ही गाडी भुसावळपर्यंत करण्यात यावी, अशी मागणी जळगाव, धरणगाव, अमळनेर येथील रेल्वे प्रवासी संघटना, स्थानक सल्लागार समिती यांनी खासदार स्मिता वाघ यांच्याकडे केली होती. या मागणीच्या अनुषंगाने खासदार वाघ यांनी रेल्वे प्रशासनाकडे पाठपुरावा केला होता.
