हलखेड्यात टोळ्या पुन्हा सक्रिय : ठाण्यातील व्यापार्‍याला स्वस्तात भंगाराच्या आमिषाने पिस्टल लावून चार लाखांचा ऐवज लुटला

Gangs active again in Halkhed: A trader from Thane was robbed of valuables worth four lakh rupees after being lured with the promise of cheap scrap and held at gunpoint मुक्ताईनगर (19 जून 2026) : स्वस्तात अ‍ॅल्युमिनिअम (भंगार) देण्याच्या बहाण्याने ठाण्यातून आलेल्या व्यापार्‍यासह त्याच्या साथीदारांना गावठी पिस्टल लावत मारहाण करीत त्यांना नग्न करण्यात आले व व्हिडिओ काढून व्यापार्‍यासह साथीदारांकडील चार लाख एक हजार पाचशे रुपयांचा ऐवज लुटण्यात आला. हलखेडा, ता.मुक्ताईनगर येथे ही धक्कादायक घटना 8 जून रोजी सकाळी सहा वाजता घडली. व्यापार्‍याने शांतीनगर, जि.ठाणे येथे हा गुन्हा दाखल करण्यात आल्यानंतर तो कार्यक्षेत्र मुक्ताईनगर असल्याने वर्ग करण्यात आला.

काय आहे प्रकरण
अस्ताफ हुसेन अब्दुल सत्तार अन्सारी (50, भिवंडी, जि.ठाणे) यांच्यासह साथीदार स्वस्तातील अ‍ॅल्युमिनिअम मिळणार असल्याच्या आमिषाने भाळले व ते साथीदारांसह 8 जून रोजी हलखेडा, ता.मुक्ताईनगर येथे आले. यावेळी संशयीतांनी पिस्टलाचा धाक दाखवत मारहाण करीत दोन लाख 55 हजार 500 रुपयांची रोकड, 30 हजार पाचशे रुपयांचे मोबाईल, बोटातील चांदीची अंगठी असा चार लाख एक हजार 500 रुपयांचा मुद्देमाल लुटण्यात आला.