जैताणे ग्रामीण रुग्णालयात गोंधळ घालून डॉक्टरांसह पोलिसांसोबत अरेरावी : त्रिकूटाला पोलिसांकडून अटक

Trio arrested for creating a ruckus and behaving insolently with doctors and police at Jaitane Rural Hospital धुळे (19 जून 2026) : साक्री तालुक्यातील जैताणे गावातील नवीन ग्रामीण रुग्णालयात वैद्यकीय अधिकारी व नर्सिंग स्टाफशी गोंधळ घालून शासकीय कामात अडथळा निर्माण करणार्‍या तसेच पोलिसांशी दमदाटी व मारहाण करणार्‍या तिघा आरोपींना निजामपूर पोलिसांनी अटक केली आहे. आरोपींना न्यायालयाने तीन दिवसांची पोलीस कोठडी सुनावली आहे तर एका पसार संशयीताचा कसून शोध सुरू आहे.

काय आहे प्रकरण ?
पोलिसांनी दिलेल्या माहितीनुसार, 17 जून रोजी मध्यरात्री सुमारे 12.45 वाजता जैताणे येथील नवीन ग्रामीण रुग्णालयात काही व्यक्ती वैद्यकीय अधिकारी मोनाली कोठावदे व नर्सिंग स्टाफ यांच्याशी वाद घालत असल्याची माहिती पोलिसांना मिळाल्यानंतर निजामपूर पोलिसांचे पथक घटनास्थळी पोहोचले मात्र तेथे उपस्थित सनी बोरसे, दीपक जाधव, शाम न्याहळदे व बापू धनगर (सर्व रा. जैताणे) यांनी पोलिसांशीही हुज्जत घालत दमदाटी व मारहाण केली. या प्रकरणी निजामपूर पोलीस ठाण्यात गुन्हा दाखल करण्यात आला.