विवाहित तरुणाचा अमळनेरच्या तरुणीशी लग्नासाठी आग्रह : सोशल मिडीयासह नातेवाईकांमध्ये बदनामी केल्याने तरुणाविरोधात गुन्हा

अमळनेर (21 जून 2026) : विवाहित असलेल्या तरुणाने अमळनेरच्या तरुणीसोबत लग्नासाठी हट्ट धरला व लग्न न केल्यास तुझी समाजात बदनामी करेल तुझे बदनामी करेल व तसे व्हिडीओ व्हायरल करेल, अशी धमकी दिली. तरुणाचा जाच असह्य झाल्याने पीडीतेने हिंमत दाखवून वाकडी, ता.पनवेल, जि.रायगड जिल्ह्यातील एक तरुणाविरुद्ध गुन्हा दाखल केला आहे.

असे आहे प्रकरण
अमळनेरातील तरुणीने या संदर्भात दिलेल्या फिर्यादीनुसार, संशयीत अभिषेक तानाजी हटकर (वाकडी, ता.पनवेल) हा 2019 मध्ये तरुणीला पाहायला आला होता मात्र तरुणीचे लग्न दुसर्‍या तरुणाशी झाले. त्यानंतर तरुणीची पहिल्या पतीसोबत फारकत झाली व त्यानंतर 2023 मध्ये अभिषेकने तरुणीला इन्स्ट्राग्रामवर ओळख करून माझ्याशी लग्न करावे म्हणून आग्रह धरला. तरुणीने नकार दिल्यानंतर अभिषेक आधीच विवाहित असल्याचे व त्याला मुलबाळ असल्याचे तरुणीला कळाले. संशयीत अभिषेकने मी माझ्या पत्नीला फारकत देणार आहे, तू माझ्याशी लग्न कर असा आग्रह केला. तरुणीने पुन्हा नकार दिल्याने त्याने तुझे बदनामीकारक फोटो व्हायरल करेल, तुझी समाजात बदनामी करेल, तुझे लग्न होऊ देणार नाही झालेच तर तुझ्या सासरी येऊन बदनामी करेल, अशी धमकी दिली. यावेळी तरुणीने त्याला धाडस करून सांगितले की, तुला जे करायचे ते कर मी घाबरत नाही.