फैजपूरात अवैधरित्या गोवंश मांसाची विक्री : दोघांविरोधात गुन्हा

Illegal sale of beef in Faizpur: Case registered against two individuals. फैजपूर (24 जून 2026) : फैजपूर पोलीस ठाण्याची धूरा नूतन सहाय्यक पोलीस निरीक्षक संदीप पाटील यांनी स्वीकारल्यानंतर त्यांनी अवैधरित्या सुरू असलेल्या गोवंश कत्तलीकडे लक्ष केंद्रीत केले आहे. दोन ठिकाणी स्वतंत्र छापेमारी करीत 80 किलो वजनाचे गोवंश जातीचे मांस जप्त करून संशयीताविरोधात गुन्हा दाखल करण्यात आला.

या संशयीतांविरोधात कारवाई
सहाय्यक निरीक्षक संदीप पाटील यांनी गुप्त माहितीवरून शहरातील इस्लामपुरा भागातील सलीम खान मुसा खान कुरेशी यांचे घरास लागुन असलेल्या ओपन पत्र्याच्या शेडमध्ये तसेच मिल्लत नगर भागात शेख साजीद शेख रहीम यांच्या घराला लागून असलेल्या कुंपणात अवैधरित्या गोवशांची कत्तल करून मांस विक्री होत असताना पथकाने छापेमारी करीत 22 हजार 300 रुपये किंमतीचे 80 किलो वजनाचे गोवंश जातीचे प्राण्यांचे मांस, तराजू काटे, मांस कापण्यासाठी लागणारे लहान-मोठे चाकू व कुर्‍हाडी, लाकडी कुंदे आदी मुद्देमाल जप्त केला.